Mak 6:24 - Krio Fɔs Oli Baybul

²⁴ Di gyal go aks in mama na do wetin in fɔ aks Ɛrɔd fɔ gi am. In mama se, “Tɛl am fɔ gi yu Jɔn we bin de baptayz pipul, in ed.”

Mak 6:24 Referans Kwoze

Job 31:31

if di man dɛn na mi os nɔ kin de aks se udat de we nɔ bɛlful?

Di Sam Dɛm 37:14

Da tɛm de di bad man go drɔ in sɔd ɛn rɛdi in bo, dat na di wɛpɔn dɛn we dɛn wan tek kil udat nɔ ebul fɛt fɔ insɛf ɛn udat de du gud

Di Sam Dɛm 37:12

Di bad man de mek ɔp fɔ du bad to di man we de du rayt; dɛn de sɔktit pan dɛn ɛn luk dɛn bad yay

Di Sam Dɛm 27:2

Wɛn mi ɛnimi dɛn kin wan kil mi wit dɛn mɔt, wɛn dɛn ɛn ɔl udat gɛt bad at fɔ mi mek plan fɔ du mi bad, nɔn dɛn plan nɔ go wok.

Matyu 14:8

Ɛrodias bin dɔn put wɔd nain pikin yes, so i tɛl di kiŋ se, “Put Jɔn, we bin de baptayz pipul, in ed na plet ɛn briŋ am kam gi mi naw!”

Matyu 3:1

Wɛn sɔm ia dɔn pas nain Jɔn we de baptayz kam na di dɛzat na Judia. I bigin tɛl pipul se,

Mak 6:23

Di kiŋ swɛ se in go gi am ɛnitin we i aks fɔ, ɛn if i want sɛf, in go sheb di kɔntri we i de rul ɛn gi am wan pat.

Mak 6:25

Di gyal tɔn bak wantɛm go tɛl Kiŋ Ɛrɔd se in want mek i gi am Jɔn we bin de baptayz pipul, in ed na plet wantɛm.

2 Samiɛl 13:5

Jonadab tɛl Amɔn se i fɔ go lidɔm na bed ɛn fɔm sik dɔn we in papa kam luk am i fɔ tɛl am se i want mek in sista we na Tama kuk kam gi am fɔ it. Jonadab se Amɔn fɔ tɛl in papa se i want Tama fɔ kam kuk di it bifo am mek i de wach aw i de du am ɛn mek i go fid am we i dɔn.