Mak 6:21 - Krio Fɔs Oli Baybul

²¹ Di tɛm rich we Ɛrodias gɛt chans fɔ du wetin i want du Jɔn. Wande, Kiŋ Ɛrɔd bin mek pati fɔ in batde. Di kiŋ kɔl dɛn bigman we de wok na dɛn gɔvmɛnt ɔfis, dɛn ami ɔfisa ɛn dɛn bigman na di kɔntri fɔ go di pati.

Mak 6:21 Referans Kwoze

Ɛsta 2:18

Di kiŋ mek pati fɔ Ɛsta ɛn kɔl ɔl di bigman dɛn ɛn in wokman dɛn. I mek ɔlide de na ɔl di prɔvins ɛn sheb prɛzɛnt we na kiŋ nɔmɔ kin sheb.

Jɛnɛsis 40:20

Insay tri de di kiŋ mek pati fɔ in bathde ɛn kɔl ɔl in ɔfisa dɛn; i pul di tu man dɛn kɔmɔt na jel ɛn mek dɛn tinap bifo di ɔfisa dɛn.

Rɛvɛleshɔn 11:10

Di pipul dɛn na wɔl go gladi we dɛn tu pipul ya day. Dɛn go mek pati ɛn dash dɛn kɔmpin bikɔs dɛn tu prɔfɛt ya bin de tɛl pipul Gɔd in mɛsej we bin de tɔmɛnt dɛn.

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Lyuk 3:1

Di ia we mek fiftin we di kiŋ na Rom we nem Kiŋ Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Ituraea ɛn Trakonitis. Laysenyas bin de rul na Abileni.

Ozie 7:5

Wɛn di kiŋ gɛt gladi-gladi, di kiŋ in pikin dɛn kin drink te dɛn drɔnk dɔn di kiŋ in kin ivin de ple wit di man dɛn we nɔ gɛt wan rɛspɛkt fɔ am.

Ɛsta 3:7

Insay di fɔs mɔnt we nem Nisan, afta we Kiŋ Zaksis dɔn rul fɔ twɛlv ia, dɛn bin de mek Pur, dat na lukgrɔn bifo Eman ɛvride, ɛvri mɔnt fɔ twɛlv mɔnt, te di nɔmba twɛlv mɔnt we nem Ada.

Jɛnɛsis 27:41

Isɔ bin et Jekɔb bad wan, bikɔs Jekɔb dɔn gɛt di blɛsin we dɛn papa bin wan gi am. So i tɔk to insɛf se, “We mi papa day, a go kil Jekɔb.”

Apɔsul Dɛn Wok 25:23

Di ɔda de, Agripa ɛn Banaysi go na di ples we pipul de gɛda ɛn ɔl di pipul dɛn du plɛnti tin fɔ sho se dɛn rɛspɛkt dɛn. Agripa dɛn go insay di ples wit dɛn edman fɔ dɛn soja man ɛn dɛn bigman na di tɔŋ. Fɛstɔs tɛl dɛn fɔ briŋ Pɔl kam bifo dɛn.