Mak 6:20 - Krio Fɔs Oli Baybul

²⁰ Kiŋ Ɛrɔd bin fred Jɔn bikɔs i bin no se Jɔn de waka tret ɛn i nɔ de du bad, so i du ɔl wetin i ebul fɔ mek natin nɔ du Jɔn. Ɛnitɛm we Kiŋ Ɛrɔd kin yɛri wetin Jɔn de tɛl pipul bɔt Gɔd, dat kin mek i wɔri, bɔt pan ɔl dat i kin gladi fɔ yɛri am.

Mak 6:20 Referans Kwoze

Matyu 21:26

Ɛn if wi se ‘Na mɔtalman’ wi de fred di pipul dɛn bikɔs dɛn ɔl biliv se Jɔn na bin prɔfɛt.”

Matyu 14:5

Kiŋ Ɛrɔd bin dɔn want fɔ kil Jɔn, bɔt i bin de fred di Ju pipul dɛn, bikɔs di Ju pipul dɛn bin tek Jɔn fɔ bi prɔfɛt.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Mak 11:18

Wɛn di bigman dɛn we de mek sakrifays fɔ pipul sin ɛn di Ju Lɔ ticha dɛn yɛri wetin Jizɔs tɔk, dɛn bigin fɛn we fɔ kil am. Dɛn bin de fred am, bikɔs ɔl di pipul dɛn bin de wɔnda wɛn dɛn yɛri wetin i de tich ɛn dɛn bin gladi.

Mak 4:16

Dɛn sid we fɔdɔm na grɔn we gɛt ston ston, na dɛn pipul we yɛri di Gud Nyuz ɛn biliv am wantɛm ɛn gladi.

Daniɛl 5:17

Nain Daniɛl ansa bifo di kiŋ se, “Ol ɔl yu prɛzɛnt dɛn to yusɛf, ɛn gi ɔda pɔsin di pe; bɔt a go stil rid wetin rayt, to di kiŋ ɛn tɛl am di minin.

Daniɛl 4:27

Ɛn so, duya kiŋ, nɔ vɛks fɔ di advays we a de kam gi yu; lɛf fɔ sin ɛn waka tret wit PAPA GƆD, ɛn tap di wikɛd tin dɛn we yu de du bay aw yu de sɔri fɔ di wan dɛn we dɛn de du bad, bay dat, sɔntɛnde, yu go ɛnjɔy mɔ lɔŋ layf wit kol at.”

Daniɛl 4:18

Na dis drim ya, mi Nɛbyukadnɛza bin si. So, Bɛlshaza, tɛl mi wetin di drim min, bikɔs ɔl di sɛnsman dɛn na mi kindɔm nɔ ebul fɔ tɛl mi wetin di drim min; bɔt yu go ebul bikɔs di oli gɔd dɛn spirit de insay yu.”

Izikɛl 33:32

Ɛn fɔ tru, yu tan to dɛm lɛk wan we de siŋ wit fayn fayn vɔys, lɔv siŋ dɛm, ɛn de ple gud gud wan pan myuzik instrumɛnt, bikɔs dɛn de yɛri wetin yu se, bɔt dɛn nɔ go du am.

2 Kronikuls 26:5

I mekɔp in maynd fɔ fɛn PAPA GƆD dyurin di tɛm we Zɛkaraya we bin de tich am fɔ rɛspɛkt PAPA GƆD, bin de; wans i bin de fɛn PAPA GƆD, PAPA GƆD bin mek i de go bifo.

2 Kronikuls 24:2

Joash bin du wetin rayt na PAPA GƆD in yay ɔl di tɛm we Jɛhoayda we na bin di man we de mek sakrifays fɔ pipul sin, bin de alayv.

2 Kiŋ 13:14

Prɔfɛt Ilaɛlsha kam sik bad wan ɛn bin wan fɔ day; so Kiŋ Joash na Izrɛl go mit am ɛn kray pan am se “E mi papa! E mi papa! Na yu bin de kɔba Izrɛl!”

2 Kiŋ 6:21

Wɛn di kiŋ na Izrɛl si dɛn, i aks Ilaɛlsha if lɛ in kil, kil dɛn.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Ɛksodɔs 11:3

PAPA GƆD mek di Ijipshian dɛn gi di Izrɛlayt dɛn wetin dɛn aks fɔ. Di kiŋ in ɔfisa dɛn ɛn di Ijipshian dɛn bin rɛspɛkt Mozis.

Apɔsul Dɛn Wok 2:12

Di pipul dɛn bin wɔnda, dɛn nɔ bin no wetin de bi, so dɛn bigin fɔ aks dɛn kɔmpin se, “Wetin dis min?”

Apɔsul Dɛn Wok 5:24

Wɛn di bigman pan dɛn wan we bin de gyad Gɔd in Os ɛn di edman pan dɛn man we de mek sakrifays fɔ pipul sin yɛri wetin bi, dɛn kɔnfyus ɛn bigin wɔndrin wetin bi to di apɔsul dɛn.