Mak 6:14 - Krio Fɔs Oli Baybul

¹⁴ Jizɔs in nem prɛd ɔlɔbɔt sote Kiŋ Ɛrɔd we bin de rul na Galili yɛri bɔt am. Sɔm pipul se, “Dis man na Jɔn we bin de baptayz pipul, nain dɔn rayz frɔm in grev; na dat mek i gɛt pawa fɔ du dɛn wɔndaful wok ya.”

Mak 6:14 Referans Kwoze

Fɔs Lɛta Fɔ Tɛsalonayka 1:8

Di mɛsej bɔt di Masta we una tɛl pipul na Masidonia ɛn Gris nɔ tap de; ɔlman dɔn yɛri aw una biliv pan Gɔd. So nid nɔ de fɔ mek wi tɔk ɛnitin bɔt dat.

Lyuk 13:31

Sɔm Faresi dɛn kam tɔk to Jizɔs, dɛn se, “Duya, sa, kɔmɔt na ya naw bikɔs Ɛrɔd dɔn mekɔp fɔ kil yu.”

Lyuk 3:1

Di ia we mek fiftin we di kiŋ na Rom we nem Kiŋ Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Ituraea ɛn Trakonitis. Laysenyas bin de rul na Abileni.

Mak 8:28

Sɔm pan di lanin bɔy dɛn se, “Sɔm pipul se yu na Jɔn we bin de baptayz pipul; sɔm se yu na Ilayja, ɛn sɔm ɔda wan dɛn se yu na wan pan dɛn prɔfɛt we bin de lɔntɛm.”

Mak 1:45

Bɔt di man go tɛl plɛnti pipul wetin Jizɔs du fɔ am, so di nyuz prɛd ɔlɔbɔt. Dat mek Jizɔs nɔ sho insɛf to pipul dɛn na ɛni tɔŋ igen, bikɔs di pipul dɛn bin tu plɛnti we kam mit am, so i go tap na ples we nɔbɔdi nɔ de. Bɔt pipul bin stil de kɔmɔt ɔlsay go mit am de.

Mak 1:28

Pipul bigin tɔk wantɛm ɔlɔbɔt na Galili bɔt di tin dɛn we Jizɔs du.

Matyu 9:31

Bɔt di man dɛn go tɛl pipul bɔt Jizɔs, ɛn di nyuz prɛd ɔlɔbɔt na da eria de.

2 Kronikuls 26:15

I mek mashin dɛn na Jerusɛlɛm we na mastasabi sɛnsman fɛnɔt dɛm, fɔ de na di tawa dɛm ɛn di kɔna dɛn, fɔ de shut aro ɛn dɛn big big ston dɛn. In nem prɛd go fa, bikɔs dɛn bin de ɛp am pan ɔltin, te i ebul tinap traŋa wan.

2 Kronikuls 26:8

Di Amonayt dɛn bin de pay taks to Uzaya, ɛn i nem bin de te rich Ijipt brɔda, bikɔs i bin dɔn sidɔm traŋa wan.

Lyuk 9:19

Dɛn ansa am se, “Sɔm pipul se yu na Jɔn we bin de baptayz. Ɔda pipul de se yu na Ilayja, sɔm se yu na wan pan dɛn lɔntɛm prɔfɛt we bin dɔn day we dɔn kam bak.”

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Lyuk 7:17

Dis nyuz bɔt Jizɔs prɛd ɔlsay na Judia ɛn dɛn kɔntri we de klos Judia.