Mak 6:12 - Krio Fɔs Oli Baybul

¹² Di lanin bɔy dɛn go ɔlɔbɔt de tɛl pipul fɔ lɛf fɔ du di bad tin dɛn we dɛn de du.

Mak 6:12 Referans Kwoze

Matyu 4:17

Frɔm da tɛm de Jizɔs bigin tɛl pipul se, “Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos una.”

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Lyuk 13:3

Nɔto so i bi; a de tɛl una se if una nɔ lɛf fɔ du bad, unasɛf go day lɛkɛ dɛn.

Lyuk 11:32

Di de we Gɔd go jɔj ɔlman na wɔl, dɛn pipul we bin de na Ninivɛ di tɛm we Jona bin de, go grap ɛn tɛl una se, una dɔn du bad; bikɔs dɛn bin lɛf fɔ du bad wɛn prɔfɛt Jona tɛl dɛn Gɔd in wɔd; ɛn a de tɛl una se, pɔsin de na ya we pas Jona.

Matyu 3:8

Una fɔ du di tin dɛn we sho se una dɔn lɛf fɔ du bad.

Matyu 3:2

“Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos!”

Izikɛl 18:30

Papa Gɔd we na Gɔd se, “Fɔseka dat, a go jɔj una, una Izrɛl. A go jɔj una ɔl bay una we. So una ripɛnt ɛn lɛf ɔl una bad bad tin dɛn we una de du, if nɔto so, una sin dɛn go ruin una na wɔl.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Apɔsul Dɛn Wok 3:19

Una fɔ lɛf fɔ du bad ɛn kam to Gɔd, ɛn Gɔd go padin una fɔ ɔl una sin.

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Lyuk 15:10

Semwe so, Gɔd in enjɛl dɛn go gladi bikɔs wan pɔsin we bin de pan sin sɔri fɔ di bad we i du ɛn tɔn to Gɔd.”

Lyuk 15:7

Semwe so, di gladi we go de na ɛvin fɔ wan pɔsin we bin de pan sin we sɔri fɔ di bad we i du ɛn tɔn to Gɔd pas di gladi we de fɔ naynti-nayn pipul we fil se dɛn tret na Gɔd yay.

Lyuk 13:5

Nɔto so i bi; a de tɛl una se if una nɔ lɛf fɔ du bad, unasɛf go day lɛkɛ dɛn.”

Mak 1:15

I bin de se, “Di tɛm dɔn rich. Di tɛm we Gɔd go rul wi, dɔn kam klos. Una tap fɔ du dɛn bad tin we una de du ɛn biliv di Gud Nyuz.”

Matyu 11:20

Jizɔs tɔk traŋa wan pan di pipul dɛn we bin de na dɛn tɔŋ we i du plɛnti wɔndaful wok pas ɔl, i tɔk pan dɛn bikɔs dɛn nɔ gri chenj ɛn lɛf fɔ du bad.

Matyu 9:13

Una go ɛn fɛnɔt wetin dɛn bin min wɛn dɛn rayt na Gɔd in Buk se, ‘Gɔd want mek una sɔri fɔ ɔda pipul ɛn du dɛn gud, i nɔ want dɛn bif sakrifays we una de mek!’ A nɔ kam tɛl dɛn pipul we de du wetin di Lɔ we Gɔd gi Mozis se fɔ chenj dɛn layf, bɔt a kam tɛl dɛn pipul we de pan sin fɔ mek dɛn chenj dɛn layf.”

Lyuk 9:6

Di lanin bɔy dɛn lɛf Jizɔs go ɔlɔbɔt na dɛn vilej de tɛl pipul di Gud Nyuz ɛn mɛn sik pipul.

Mak 1:3

Sɔmbɔdi de tɔk lawd na di dɛzat se, ‘Una klia di rod we di Masta go pas; mek di rod tret fɔ am fɔ waka!’”

Matyu 11:1

Wɛn Jizɔs dɔn tɛl in twɛlv lanin bɔy dɛn wetin dɛn fɔ du, i kɔmɔt de ɛn go na dɛn tɔŋ we de na Galili fɔ tich ɛn tɛl pipul di Gud Nyuz.