Mak 5:36 - Krio Fɔs Oli Baybul

³⁶ Jizɔs yɛri wetin dɛn tɔk, bɔt i nɔ mɛn dɛn. Nain i se, “Jayrɔs, nɔ fred, yu jɛs biliv.”

Mak 5:36 Referans Kwoze

Lyuk 8:50

We Jizɔs yɛri se di pikin dɔn day, i se, “Jayrɔs, nɔ fred, yu jɛs biliv nɔmɔ, yu pikin go grap bak!”

Jɔn 11:40

Jizɔs aks Mata se, “A nɔ bin tɛl yu se, yu go si Gɔd in pawa, if yu biliv pan mi?”

Mak 9:23

Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”

Mak 5:34

Jizɔs se, “Mi pikin, bikɔs yu biliv, yu dɔn wɛl, go wit kol at ya, da kayn sik de nɔ go kam pan yu igen.”

Matyu 17:20

Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt na ya, go yanda!’ Ɛn i go bi. Ɛn natin nɔ de we una nɔ go ebul du! [

2 Kronikuls 20:20

So dɛn grap ali mɔnin ɛn go na di ples we pɔsin nɔ go ebul tap na Tɛkoa; ɛn we dɛn bin de go, Jɛoshafat tinap ɛn tɔk se, “Una lisin mi una we de na Juda ɛn Jerusɛlɛm! Biliv PAPA GƆD we na una Gɔd, ɛn una go tinap traŋa; biliv in prɔfɛt dɛm ɛn una go sɔksid.”

Matyu 9:18

Jizɔs bin stil de tɔk to Jɔn in lanin bɔy dɛn, nain wan Ju bigman na di Ju mitin os kam nil dɔŋ bifo in fut, i se, “Mi gyal pikin dɔn day, bɔt kam go put yu an pan am ɛn pre fɔ am so dat in layf go kam bak.”

Mak 5:22

Wɛn i lib de wan pan di bigman dɛn na di Ju mitin os we bin nem Jayrɔs go to Jizɔs; wɛn i mit am, i nil dɔŋ bifo am.