Mak 5:35 - Krio Fɔs Oli Baybul

³⁵ Wɛn Jizɔs bin de tɔk to di uman, nain sɔm pipul kam tɛl Jayrɔs se mek i nɔ wɔri di Masta igen, bikɔs in pikin dɔn day.

Mak 5:35 Referans Kwoze

Lyuk 8:49

Wɛn Jizɔs bin de tɔk, Jayrɔs in bɔy kam mit Jayrɔs ɛn tɛl am se in pikin dɔn day so mek i nɔ wɔri Jizɔs igen.

Jɔn 11:39

Jizɔs se, “Una pul di ston we de na di domɔt, kɔmɔt!” Mata, di wan we day in sista, se, “Masta, di ples go smɛl bad bikɔs i dɔn fo de naw sins dɛn bɛr am!”

Jɔn 11:28

Afta Mata dɔn tɔk dat, i go bak go kɔl in sista na kɔna, ɛn tɛl am se, di ticha dɔn kam ɛn i de aks fɔ am.

Jɔn 5:25

A de tɛl una se, di tɛm de kam ɛn i dɔn kam we dɛn pipul we dɔn day bikɔs dɛn nɔ gɛt di tru layf, go yɛri dɛn tin we Gɔd in Pikin de tɔk, ɛn ɔl dɛn wan we yɛri wetin i se ɛn du am go gɛt tru layf.

Mak 10:17

As Jizɔs de go, wan man rɔn go mit am ɛn nil dɔŋ bifo am ɛn se, “Ticha, yu we gud, wetin a fɔ du fɔ mek a gɛt layf we go de sote go?”

Mak 5:22

Wɛn i lib de wan pan di bigman dɛn na di Ju mitin os we bin nem Jayrɔs go to Jizɔs; wɛn i mit am, i nil dɔŋ bifo am.

Jɔn 11:32

Wɛn Meri rich na di ples we Jizɔs bin de, jɛs i si Jizɔs so, i fɔdɔm nain fut ɛn se, “Masta, if yu bin de na ya, mi brɔda nɔ bin fɔ day!”

Jɔn 11:25

Jizɔs se, “Na mi de mek pipul rayz frɔm dɛn grev ɛn na mi de gi dɛn layf. Ɛnibɔdi we biliv pan mi, go stil gɛt layf, i lɛk sɛf i dɔn day,

Jɔn 11:21

Mata tɛl Jizɔs se, “Masta, if yu bin de na ya, mi brɔda nɔ bin fɔ day!

Matyu 26:18

Jizɔs se, “Wan man de na dis tɔŋ we una fɔ go to, una go to am ɛn tɛl am se, ‘Wi Ticha se, di tɛm dɔn kam klos we dɛn go kil mi. Mi ɛn mi lanin bɔy dɛn go it di Pasova it na yu os.’”

Matyu 9:18

Jizɔs bin stil de tɔk to Jɔn in lanin bɔy dɛn, nain wan Ju bigman na di Ju mitin os kam nil dɔŋ bifo in fut, i se, “Mi gyal pikin dɔn day, bɔt kam go put yu an pan am ɛn pre fɔ am so dat in layf go kam bak.”

Matyu 26:10

Jizɔs bin no wetin dɛn de tɔk, so i aks dɛn se, “Wetin du una de ambɔg di uman? I dɔn du fayn ɛn big wok fɔ mi.