Mak 5:30 - Krio Fɔs Oli Baybul

³⁰ Jizɔs no wantɛm se pawa kɔmɔt pan am, i tɔn rawnd to di krawd ɛn aks dɛn se, “Udat tɔch mi klos?”

Mak 5:30 Referans Kwoze

Lyuk 6:19

Ɔl di pipul dɛn bin de tray fɔ tɔch Jizɔs bikɔs pawa bin de kɔmɔt pan am we mɛn dɛn ɔl.

Lyuk 8:46

Bɔt Jizɔs se, “Sɔmbɔdi tɔch mi klos. A no dat bikɔs pawa dɔn kɔmɔt pan mi!”

Lyuk 5:17

Wande we Jizɔs bin de lan di pipul dɛn, sɔm dɛn Faresi ɛn sɔm dɛn Ju Lɔ ticha bin sidɔm de; dɛn bin kɔmɔt ɔlɔbɔt na Galili, Judia, ɛn Jerusɛlɛm. Gɔd in pawa bin de pan Jizɔs fɔ mɛn sik pipul.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Mak 5:31

In lanin bɔy dɛn se, “Yu si di krawd de push ɔlɔbɔt so, yu de aks udat tɔch yu klos?”