Mak 5:29 - Krio Fɔs Oli Baybul

²⁹ So i tɔch Jizɔs in klos ɛn i wɛl wantɛm. Di uman insɛf fil se in dɔn wɛl.

Mak 5:29 Referans Kwoze

Mak 5:34

Jizɔs se, “Mi pikin, bikɔs yu biliv, yu dɔn wɛl, go wit kol at ya, da kayn sik de nɔ go kam pan yu igen.”

Mak 3:10

Jizɔs bin dɔn mɛn plɛnti sikman, so bɔku pipul we sik bin de tray fɔ tɔch am.

Di Sam Dɛm 103:3

In na PAPA GƆD we de fɔgiv ɔl yu sin dɛn ɛn i de mɛn yu wɛn yu sik.

Di Sam Dɛm 30:2

PAPA GƆD, a aks yu fɔ ɛp mi ɛn yu mek a wɛl.

Di Sam Dɛm 147:3

I de mɛn ɔl dɛn wan dɛn we dɛn at sik ɛn lɛ dɛn no se ɔltin nɔ dɔn fɔ dɛn.

Di Sam Dɛm 107:20

I tɔk nɔmɔ, nain dɛn wɛl; i nɔ mek dɛn day.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

1 Kiŋ 8:37

“If wi plant dɛn ɔl pwɛl dɔn it nɔ de fɔ it, ɔ, if lokɔs it ɔl wetin wi plant, ɔ if ɛnimi atak yu pipul, ɔ, if ɛni bad bad sik sɛf bɔsawt fɔ kil ɔlman,

Lɛvitikɔs 20:18

If man mek uman we de si in piriɔd pul klos fɔ am ɛn i lidɔm wit am, i dɔn ɛkspoz am ɛn di uman dɔn ɛkspoz di blɔd. Dɛn fɔ drɛb am kɔmɔt Izrɛl.

Lyuk 7:21

Da sem tɛm de, Jizɔs bin de mɛn plɛnti pipul; i mek dɛn wan we sik wɛl, i drɛb dɛbul kɔmɔt insay sɔm pipul, ɛn i mek plɛnti dɛn blɛnyay pipul si.

Matyu 9:20

Wan uman we bin dɔn de blid fɔ twɛlv ia, kam biɛn Jizɔs ɛn tɔch di bɔtɔm pat pan Jizɔs in klos.

Mak 5:28

Di uman bin dɔn tɔk nain at se, if in tɔch Jizɔs in klos, in go wɛl.

Lɛvitikɔs 14:48

Bɔt if we di man we de mek sakrifays fɔ pipul sin ɛgzamin di os bak, if i nɔ mek ɔda ol na di wɔl, dɛn di man we de mek sakrifays fɔ pipul sin fɔ lɛ ɔlman no se, di os klin na PAPA GƆD yay, di miliju dɔn dɔn.