Mak 5:23 - Krio Fɔs Oli Baybul

²³ I beg am se, “Masta, mi gyal pikin de day, duya, kam put yu an pan in ed ɛn pre fɔ am mek i nɔ day.”

Mak 5:23 Referans Kwoze

Lyuk 13:13

Jizɔs tɔch di uman ɛn wantɛm wantɛm so di uman in bak tret ɛn i bigin tɛl Gɔd tɛnki ɛn prez am.

Lyuk 4:40

Da sem de de, ivintɛm, dɛn bin briŋ pipul we bin gɛt ɔl kayn sik kam to Jizɔs. I le in an pan ɔl di sik pipul dɛn ed, wan bay wan, ɛn dɛn ɔl wɛl.

Mak 16:18

if dɛn ol snek ɔ if dɛn drink pɔyzin sɛf, natin nɔ go du dɛn; dɛn go put dɛn an pan pipul we sik ɛn pre fɔ dɛn, ɛn di pipul dɛn go wɛl.”

Apɔsul Dɛn Wok 28:8

Publiɔs in papa nɔ bin wɛl, i bin gɛt fiva ɛn rɔnbɛlɛ. Pɔl go tɛl am adu. Di man wɛl wɛn Pɔl put in an pan am ɛn pre fɔ am.

Lyuk 4:38

Jizɔs kɔmɔt na di Ju mitin os, i go na Saymɔn in os. Saymɔn in mɔdɛnlɔ bin gɛt ay fiva. Dɛn beg Jizɔs fɔ mɛn di sik uman.

Mak 8:23

Jizɔs ol di blɛnyay man in an, i waka wit di man kɔmɔt na di vilej. I pit pan di man in tu yay, dɔn i tɔch dɛn. I aks am se, “Yu si ɛnitin?”

Mak 7:32

Sɔm pipul briŋ wan dɛfyes man we nɔ bin ebul tɔk gud to Jizɔs ɛn beg am fɔ mek i put in an pan di man in ed ɛn pre fɔ am.

Lyuk 7:12

As dɛn rich na di get dɛn mit plɛnti pipul de go bɛr wan man. Di dayman in mama na uman we in man bin dɔn day ɛn na da wangren bɔy pikin de i bin gɛt. Plɛnti pipul na di tɔŋ bin de fala di uman we gɛt di bɛrin.

Mak 6:13

Dɛn drɛb plɛnti dɛbul kɔmɔt insay pipul, dɛn rɔb ɔliv ɔyl pan sik pipul dɛn ed ɛn mɛn dɛn.

Matyu 8:3

Jizɔs tret in an ɛn tɔch di man ɛn se, “A gri fɔ mɛn yu. Wɛl naw!” Di man wɛl wantɛm.

Di Sam Dɛm 107:19

Dɛn ala beg PAPA GƆD fɔ pul dɛn pan dis waala, i ansa dɛn ɛn sev dɛn.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

2 Kiŋ 5:11

Bɔt Neman vɛks ɛn tɔn bak go se in bin fil se di prɔfɛt go kɔmɔt na do kam mit am, tinap bifo am ɛn kɔl in Gɔd we na PAPA GƆD in nem, dɔn i paspas in an na di say we di sik de, dɔn i wɛl.

Apɔsul Dɛn Wok 9:17

So Ananayas go; i go insay di os ɛn put in an pan Sɔl in ed ɛn pre fɔ am. I se, “Mi brɔda Sɔl, di Masta, Jizɔs we tɔk to yu wɛn yu bin de na rod de kam na ya, sɛn mi to yu. I sɛn mi fɔ kam pre fɔ yu mek yu go si bak ɛn fɔ mek Gɔd in Spirit kam insay yu.”

Apɔsul Dɛn Wok 6:6

Ɔl di pipul dɛn we bin de na di mitin kɛr di sɛvin man dɛn we dɛn pik go sho di apɔsul dɛn. Di apɔsul dɛn put dɛn an pan di sɛvin man dɛn ed, dɛn pre fɔ dɛn ɛn blɛs dɛn.

Jɔn 11:3

Di tu sista dɛn sɛn tɛl Jizɔs se, “Masta, yu padi we yu lɛk bad, sik.”

Mak 5:24

So Jizɔs fala Jayrɔs go; plɛnti pipul fala Jizɔs wɛn i de go, na so di pipul dɛn bin de push dɛn kɔmpin.

Apɔsul Dɛn Wok 8:17

Pita ɛn Jɔn put dɛn an pan di pipul dɛn ed ɛn pre fɔ dɛn, ɛn Gɔd in Spirit kam pan dɛn.

Apɔsul Dɛn Wok 9:12

a dɔn sho am wan man we nem Ananayas we kam insay in os ɛn put in an pan in ed ɛn pre fɔ mek i go bigin si bak.”