Mak 5:22 - Krio Fɔs Oli Baybul

²² Wɛn i lib de wan pan di bigman dɛn na di Ju mitin os we bin nem Jayrɔs go to Jizɔs; wɛn i mit am, i nil dɔŋ bifo am.

Mak 5:22 Referans Kwoze

Lyuk 13:14

Bɔt di bigman na di Ju mitin os bin vɛks bikɔs Jizɔs mɛn di sik uman di de we fɔ pre ɛn blo, so i tɛl di pipul dɛn we bin go fɔ pre se, “Na siks de pɔsin fɔ wok, so una fɔ kam wan pan dɛn de ya fɔ mek Jizɔs mɛn una; bɔt una nɔ fɔ kam di de fɔ pre ɛn blo fɔ mek i mɛn una.”

Apɔsul Dɛn Wok 18:17

Dɛn ol Sɔstinis we na bin di edman na di Ju mitin os ɛn bit am bifo di kot. Bɔt dat nɔ shek Galio.

Apɔsul Dɛn Wok 18:8

Di edman na di Ju mitin os we bin nem Krispɔs bin biliv pan di Masta. Krispɔs ɛn di pipul dɛn we bin de nain os, ɛn plɛnti ɔda pipul we bin de na Kɔrint yɛri wetin Pɔl tɔk; dɛn biliv am ɛn mek i baptayz dɛn.

Apɔsul Dɛn Wok 13:15

Wɛn di pipul dɛn dɔn rid di Lɔ we Gɔd bin gi Mozis ɛn wetin dɛn prɔfɛt bin rayt, di bigman dɛn na di Ju mitin os sɛn pɔsin fɔ go tɛl Pɔl ɛn Banabas dis mɛsej ya: “Wi brɔda dɛn, wi want mek una tɔk to di pipul dɛn if una gɛt ɛni wɔd fɔ kɔrej dɛn.”

Lyuk 5:8

Wɛn Saymɔn Pita si wetin bi, i butu bifo Jizɔs ɛn ol in fut. I se, “Masta, kɔmɔt klos mi bikɔs mi na man we de pan sin!”

Mak 5:33

We di uman no wetin dɔn bi to am, i fred, i trimbul. I kam nil dɔŋ bifo Jizɔs ɛn tɛl am ɔl wetin bi to am.

Rɛvɛleshɔn 22:8

Mi Jɔn, dɔn yɛri ɔl dɛn tin ya ɛn a dɔn si dɛn wit mi yay. Di tɛm we a yɛri ɛn si dɛn, a fɔdɔm na di enjɛl in fut we sho mi dɛn tin ya, fɔ pre to am.

Lyuk 8:28

As di man si Jizɔs, i ala big wan ɛn fɔdɔm na Jizɔs in fut. I ala se, “Jizɔs, yu we na Gɔd we pas ɔl, in Pikin, wetin yu want du mi? A de beg yu, duya, nɔ mek a sɔfa!”

Mak 5:38

Wɛn dɛn rich na Jayrɔs in os, Jizɔs yɛri plɛnti pipul de mek nɔys, dɛn bin de kray bita bita wan.

Matyu 2:11

Di sɛnsman dɛn go insay di os, ɛn wɛn dɛn si di pikin ɛn in mama, Meri, dɛn nil dɔŋ bifo di pikin ɛn pre to am. Dɛn bin kɛr gold, frankinsɛns ɛn ma go gi am.