Mak 5:13 - Krio Fɔs Oli Baybul

¹³ Jizɔs gri fɔ lɛ di dɛbul dɛn kɔmɔt insay di man ɛn go insay di ɔg dɛn. Na bɔt tu tawzin ɔg dɛn bin lib de. Wɛn di dɛbul dɛn go insay di ɔg dɛn, di ɔg dɛn rɔn go dɔŋ di il, dɛn ɔl fɔdɔm insay di wata ɛn dɛn ɔl drawn.

Mak 5:13 Referans Kwoze

Job 2:6

PAPA GƆD tɛl an se, i kin du wetin i want bɔt i nɔ fɔ kil Job.

Rɛvɛleshɔn 20:7

Wɛn di wan tawzin ia dɔn pas, dɛn go pul Setan kɔmɔt na di say we dɛn bin lɔk am,

Rɛvɛleshɔn 9:11

Dɛn bin gɛt dɛn edman, dat na da enjɛl we de gyad da ol we nɔ gɛt bɔtɔm. Dɛn Ju pipul de kɔl am Abadɔn, dɛn Grik pipul de kɔl am Apolyɔn (dat min, “Di wan we de kil ɛn pwɛl”.)

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Matyu 8:32

Jizɔs se, “Una kɔmɔt insay dɛn man ya!” So di dɛbul dɛn kɔmɔt insay di tu man dɛn ɛn go insay di ɔg dɛn. Ɔl di ɔg dɛn rɔn go dɔŋ di il ɛn go fɔdɔm na di lek, ɛn drawn.

Job 1:12

So PAPA GƆD tɛl Setan se, i de lɛf Job gi am mek i nyakanyaka ɔl wetin Job gɛt, bɔt mek i nɔ mek natin du insɛf. So Setan jɛs kɔmɔt bifo PAPA GƆD.

1 Kiŋ 22:22

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.

Matyu 7:6

“Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Mak 5:12

Di dɛbul dɛn beg Jizɔs fɔ lɛ dɛn go insay di ɔg dɛn.

Mak 5:14

Di pipul dɛn we bin de mɛn di ɔg dɛn rɔn go tɛl di pipul dɛn we de na di tɔŋ ɛn di kɔntri, wetin bi. Plɛnti pipul kam luk.