Mak 4:40 - Krio Fɔs Oli Baybul

⁴⁰ Jizɔs tɔn to in lanin bɔy dɛn, i se, “Wetin mek una de fred, una nɔ biliv pan Gɔd?”

Mak 4:40 Referans Kwoze

Lyuk 8:25

Jizɔs aks in lanin bɔy dɛn se, “Wetin mek una nɔ biliv pan Gɔd?” Ɔl di lanin bɔy dɛn wɔnda, dɛn fred, dɛn bigin tɔk saful se, “Uskayn man dis? I de tɛl briz ɛn wata wetin dɛn fɔ du ɛn dɛn de du am!”

Matyu 8:26

Jizɔs se, “Wetin du una de fred? Una nɔ biliv mi gud!” I grap ɛn tɛl di briz ɛn di swɛlin fɔ stɛdi, nain ɔltin stɛdi.

Matyu 14:31

Jizɔs tret in an ɛn ol Pita wantɛm. I aks Pita se, “Yu nɔ biliv mi? Wetin mek yu dawt?”

Matyu 16:8

Jizɔs bin no wetin di lanin bɔy dɛn bin de tɔk, so i se, “Una nɔ biliv mi! Wetin mek una de wɔri bikɔs una nɔ briŋ bred?

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Matyu 6:30

Na Gɔd de mek flawa gro pan gras lɛkɛ we pɔsin go wɛr klos, da gras we de tide, ɛn tumara, dɛn go ib am na faya fɔ bɔn. Gɔd nɔ go du pas dat fɔ gi una klos fɔ wɛr? Una nɔ biliv Gɔd lɛkɛ aw una fɔ biliv am!

Ayzaya 42:3

gras we de na watasay we dɔn wik, sɛf i nɔ go brok, wik we de bɔn lo wan na lamp, sɛf i nɔ go ɔt; i go waka tret wit PAPA GƆD fɔ mek ɔlman trit in kɔmpin di sem.

Mak 4:41

Dɛn ɔl wɔnda ɛn bigin aks dɛn kɔmpin se, “Uskayn man dis we de tɛl di briz ɛn di wata wetin dɛn fɔ du ɛn de du wetin i tɛl dɛn?”