Mak 4:38 - Krio Fɔs Oli Baybul

³⁸ Jizɔs bin de na di bak pat na di bot de slip; i bin le in ed pan pila. Dɛn go wek am, dɛn se, “Yu nɔ bisin if wi day?”

Mak 4:38 Referans Kwoze

Pita In Fɔs Lɛta 5:7

Una fɔ lɛf ɛnitin we de wɔri una na Gɔd an, bikɔs i want gi una ɔl wetin una fɔ gɛt.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Matyu 8:25

Di lanin bɔy dɛn go wek am ɛn se, “Masta, sev wi, na day wi de day so!”

Lyuk 8:24

Nain di lanin bɔy dɛn go wek Jizɔs. Dɛn ala se, “Masta, Masta, na day wi de day so!” Jizɔs grap, i tɛl di big briz ɛn di swɛlin dɛn fɔ stɛdi; na de di briz tap fɔ blo wantɛm ɛn di swɛlin dɛn go dɔŋ.

Ayzaya 64:12

Yu go ol yu at pan dɛn kayn tin ya PAPA GƆD? Yu go sɛt mɔt ɛn de wund wi bad bad wan?

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Jɔn 4:6

Di wɛl we Jekɔb bin gɛt bin lib de; we Jizɔs bin dɔn taya fɔ waka, i go sidɔm klos di wɛl. Na bin santɛm, bay dɛn twɛlv oklɔk.

Ayzaya 63:15

Luk dɔn kɔmɔt na yu, oli ɛn gloriɔs ples we yu tap. We yu zil ɛn yu pawa? Di want we yu kin wan fɔ si pɔsin na yu at, ɛn di sɔri we yu de sɔri fɔ pɔsin nɔ de na yu at fɔ mi igen

Lamɛnteshɔn 3:8

ɔl we a de kray fɔ lɛ dɛn ɛp mi, i nɔ de tek mi prea;

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Mak 4:37

Wɛn dɛn de go, big briz bigin blo, swɛlin bigin shek di bot ɛn wata kam ful insay di bot.

Mak 4:39

Jizɔs grap. I tɛl di briz fɔ tap ɛn di wata fɔ stɛdi. Di briz tap fɔ blo ɛn di swɛlin go dɔŋ.