Mak 4:31 - Krio Fɔs Oli Baybul

³¹ Gɔd in rul tan lɛkɛ mɔstad sid we dɛn plant we smɔl pas ɔl dɛn ɔda sid dɛn.

Mak 4:31 Referans Kwoze

Apɔsul Dɛn Wok 19:20

Ɔl di wɔndaful tin dɛn we bi, mek di Masta in wɔd prɛd ɔlsay, ɛn mɔ ɛn mɔ pipul biliv pan Masta Jizɔs Krays.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Apɔsul Dɛn Wok 21:20

Wɛn dɛn yɛri wetin Pɔl tɔk, dɛn ɔl prez Gɔd. Dɛn se, “Brɔda Pɔl, yu dɔn si ɔmɔs tawzin Ju pipul na Jerusɛlɛm dɔn bi Kristiɛn ɛn dɛn de kip wi Ju Lɔ gud gud wan.

Apɔsul Dɛn Wok 5:14

Ɛn mɔ ɛn mɔ pipul bin de kam jɔyn to di pipul dɛn we bin biliv pan Jizɔs Krays.

Apɔsul Dɛn Wok 4:4

Plɛnti pipul we yɛri wetin Pita ɛn Jɔn bin de tɔk biliv wetin dɛn yɛri, ɛn ɔl di man dɛn bin rich bɔt fayv tawzin.

Apɔsul Dɛn Wok 2:41

Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul.

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Ayzaya 60:22

Di las wan go bi ɛkstɛndɛd famili, ɛn di wan we smɔl pas ɔl go bi wan big big neshɔn; Mi na PAPA GƆD; we di tɛm rich, A go mekes du am.

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Ayzaya 53:2

Bikɔs I gro bifo am lɛk yɔŋ plant, ɛn lɛk rut we bɔs kɔmɔt na dray grɔn; I nɔ gɛt shep ɔ fayn fes we go mek wi go luk am, ɛn nɔ gɛt da fayn fes we go mek pɔsin want am.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Mak 4:30

Jizɔs aks dɛn se, “Aw Gɔd in rul tan? Us parebul wi go pul bɔt Gɔd in rul?

Mak 4:32

Bɔt wɛn i gro, i kin gro big pas ɔl di ɔda smɔl tik dɛn, ɛn i kin gɛt plɛnti an we bɔd kin bil os pan.”

Lyuk 17:6

Jizɔs ansa dɛn se, “If una biliv, ilɛk di biliv we una biliv tan lɛkɛ wan lili sid lɛkɛ mɔstad sid, una kin tɛl ɛni big tik se, ‘Kɔmɔt na ya go tinap na wata’ ɛn i go muf go na di wata.