Mak 4:24 - Krio Fɔs Oli Baybul

²⁴ Jizɔs se, “Una lisin mi gud; di lɔ we una de tek jɔj una kɔmpin mɔtalman, na di sem lɔ Gɔd go tek jɔj una. Gɔd go jɔj una traŋa pas aw una de jɔj una kɔmpin mɔtalman.

Mak 4:24 Referans Kwoze

Di Ibru Pipul Dɛn 2:1

Na dat mek, wi fɔ put ɔl wi at pan di tru wɔd we dɛn dɔn tɛl wi, so dat wi nɔ go kɔmɔt na di rayt rod.

Lyuk 8:18

“Una tek tɛm lisin. Ɛnibɔdi we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i tink se in gɛt, Gɔd go tek am.”

Matyu 7:2

Aw una jɔj ɔda pipul, na di sem we Gɔd go jɔj unasɛf.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

2 Kɔrint 9:6

Una fɔ mɛmba se pɔsin we nɔ plant plɛnti sid nɔ go gɛt plɛnti tin fɔ pik, bɔt pɔsin we plant plɛnti sid go gɛt plɛnti plɛnti tin fɔ pik.

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Prɔvabs 19:27

Mi pikin, if yu nɔ tek wetin a tich yu, yu go lɛf fɔ du wetin rayt.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Jɔn 5:25

A de tɛl una se, di tɛm de kam ɛn i dɔn kam we dɛn pipul we dɔn day bikɔs dɛn nɔ gɛt di tru layf, go yɛri dɛn tin we Gɔd in Pikin de tɔk, ɛn ɔl dɛn wan we yɛri wetin i se ɛn du am go gɛt tru layf.

Mak 9:7

Wantɛm wan klawd kam kɔba di san, dɛn yɛri vɔys de tɔk na di klawd se, “Dis na mi Pikin we a lɛk bad, una lisin wetin i de tɛl una.”

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Jɛrimaya 17:21

Na dis PAPA GƆD se: Una tek tɛm fɔseka una layf, ɛn nɔtot lod de fɔ blo ɛn rɛst de pas na di get dɛn na Jerusɛlɛm briŋ dɛn kam insay.