Mak 4:20 - Krio Fɔs Oli Baybul

²⁰ Bɔt dɛn sid we fɔdɔm na gud grɔn na dɛn pipul we yɛri di Gud Nyuz ɛn biliv am gud; dɛn tan lɛkɛ plant we bia: sɔm bia tati, sɔm siksti, ɛn sɔm ɔndrɛd.”

Mak 4:20 Referans Kwoze

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Mak 4:8

Sɔm sid fɔdɔm na gud grɔn, dɛn gro fayn ɛn bia plɛnti. Sɔm bia tati, sɔm siksti ɛn sɔm ɔndrɛd.”

Matyu 13:23

Di sid dɛn we fɔdɔm na gud grɔn na dɛn wan we yɛri ɛn ɔndastand di wɔd bɔt mi. Dɛn pipul de tan lɛkɛ plant dɛn we bia: sɔm bia wan ɔndrɛd, sɔm siksti, ɛn sɔm tati.”

Pita In Sɛkɛn Lɛta 1:8

If dɛn tin ya de na una at ɛn una de du dɛn mɔ ɛn mɔ, di sabi we una sabi wi Masta Jizɔs Krays go mek una ebul du plɛnti gud wok we go ɛp ɔda pipul.

Jɛnɛsis 26:12

Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am.

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Matyu 13:8

Bɔt sɔm sid fɔdɔm na gud grɔn, ɛn di plant dɛn bia: sɔm bia ɔndrɛd, sɔm bia siksti, ɛn sɔm bia tati.”

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.