Mak 3:5 - Krio Fɔs Oli Baybul

⁵ As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Mak 3:5 Referans Kwoze

Lyuk 6:10

Jizɔs luk dɛn insay dɛn yay wan bay wan, dɛn i tɛl di man we in an day se, “Es yu an, tret am!” Di man du wetin Jizɔs tɛl am ɛn di an we bin day wɛl lɛkɛ di ɔda an.

Lɛta Fɔ Ɛfisɔs 4:18

We dɛn at nɔ opin, na dat mek dɛn nɔ sabi natin; dɛn de na dak ɛn dɛn nɔ gɛt di layf we Gɔd de gi.

1 Kiŋ 13:6

Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Matyu 12:13

Nain Jizɔs tɛl di man we in an day se, “Es yu an, tret am.” Di man es in an ɛn tret am, nain di an wɛl lɛkɛ di ɔda wan.

Rɛvɛleshɔn 6:16

Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Di Ibru Pipul Dɛn 3:17

Udat na di pipul dɛn we Gɔd bin vɛks pan fɔ fɔti ia? Gɔd bin vɛks pan dɛn pipul we bin sin ɛn dɛn bin day na di dɛzat.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Lɛta Fɔ Ɛfisɔs 4:26

If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

2 Kɔrint 3:14

Sɔntin bin mek dɛn nɔ ebul ɔndastand, fɔ tru; te tide sɛf di sem tin nɔ de mek dɛn ebul ɔndastand wɛn dɛn de rid dɛn buk we tɔk bɔt di ol agrimɛnt. Na wɛn pɔsin gɛt wanwɔd wit Krays nɔmɔ, nain da tin de de kɔmɔt nain ed.

Jɔn 9:7

I luk di man ɛn se, “Go was yu fes na da wata we nem Siloam.” (“Siloam” min “Di wan we dɛn sɛn.”) So di man go was in fes de, na de i bigin si, so i go bak nain os.

Lyuk 17:14

Wɛn Jizɔs si dɛn, i se, “Una go to dɛn man we de mek sakrifays fɔ pipul sin mek dɛn luk una.” Aw dɛn de na rod de go, nain dɛn ɔl wɛl.

Lyuk 13:15

Jizɔs ansa am se, “Una dɛn ipokrit pipul ya! Una nɔ kin pul una ship ɛn kaw dɛn na do di de fɔ pre ɛn blo ɛn kɛr dɛn go mek dɛn go drink wata?

Di Sam Dɛm 95:10

A bin vɛks wit da jɛnareshɔn de fɔ fɔti ia a se, Dɛn pipul ya, dɛn at nɔ de to mi ɛn dɛn nɔ de obe mi.”

Nɛimaya 13:8

A nɔ bin lɛk dat atɔl so a ib ɔl Tobaya in tiŋs dɛn na do.

Di Jɔj Dɛm 10:16

So di Izrɛlayt dɛn trowe di fɔrin gɔd dɛn ɛn bigin wɔship PAPA GƆD, ɛn PAPA GƆD vɛks fɔ di we we i si dɛn de sɔfa.

Jɛnɛsis 6:6

i fil am bad we i mek mɔtalman ɛn put am na di wɔl. In at pwɛl,

Di Ibru Pipul Dɛn 3:10

Na dat mek a bin vɛks pan dɛn, ɛn a se, ‘Dɛn dɔn pul dɛn at kɔmɔt pan mi, ɛn dɛn nɔ ɔndastand di we we a de du ɔltin.’

Mak 3:4

Dɔn Jizɔs aks di pipul dɛn se, “I rayt fɔ du gud di de fɔ pre ɛn blo ɔ fɔ du bad? Fɔ sev layf ɔ fɔ kil?” Bɔt dɛn nɔ se fiŋ!

1 Samiɛl 20:34

So Jonɛthan blez ɛn grap kɔmɔt na di tebul, i nɔ it sɛf di sɛkɛn de na di mɔnt bikɔs i bin vɛks pan in papa fɔ aw i de disgres am bikɔs ɔf Devid.