Mak 3:27 - Krio Fɔs Oli Baybul

²⁷ “Nɔbɔdi nɔ go go insay pɔsin we trɔŋ in os ɛn tif in prɔpati, pas i tay di pɔsin fɔs, da tɛm de i kin tek ɔl di trɔŋ pɔsin in prɔpati.

Mak 3:27 Referans Kwoze

Matyu 12:29

“Nɔbɔdi nɔ go brok go insay pɔsin we trɔŋ in os ɛn tif in prɔpati, pas i tay di pɔsin fɔs; da tɛm de i kin tek ɔl di pɔsin in prɔpati.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Jɔn In Fɔs Lɛta 3:8

Ɛni bɔdi we nɔ de tap fɔ sin blant Setan, bikɔs Setan dɔn de sin frɔm we di wɔl bigin; na dat mek Gɔd in Pikin kam fɔ pwɛl Setan in wok.

Lɛta Fɔ Kɔlɔse 2:15

Wɛn Krays bin de na di krɔs, i bin mek dɛn spirit we bin de rul, tap fɔ rul; we i dɔn win dɛn, i mek dɛn waka lɛkɛ slev biɛn am ɛn mek ɔlman si dɛn.

Jɔn 12:31

Na di tɛm dis we Gɔd go jɔj mɔtalman, ɛn na di tɛm dis we i go pul di wan we de rul dis wɔl kɔmɔt nain chia.

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”