Mak 3:21 - Krio Fɔs Oli Baybul

²¹ Wɛn Jizɔs in fambul dɛn yɛri dat, dɛn go pul am kɔmɔt de, bikɔs pipul se, “I de mek lɛkɛ se in ed nɔ de.”

Mak 3:21 Referans Kwoze

Apɔsul Dɛn Wok 26:24

Wɛn Pɔl de tɔk, Fɛstɔs ala pan am se, “Pɔl, yu kres! Di plɛnti buk we yu sabi de mek yu kres!”

Jɔn 10:20

Plɛnti pan dɛn se, “Dɛbul de insay am! I kres! Wetin du una de lisin am!”

Mak 3:31

Jizɔs in mama ɛn in brɔda dɛn go fɛn am. Dɛn bin de na do we dɛn sɛn kɔl am.

2 Kɔrint 5:13

We wi de tɔk so bɔt wisɛf, nɔto fɔ se wi ed nɔ de, bɔt na fɔ lɛ Gɔd gɛt di prez. If una biliv se wi gɛt sɛns we wi de tɔk so, na fɔ ɛp una mek wi de tɔk so.

2 Kiŋ 9:11

Wɛn Jeu go na do go mit in kɔmpin ɔfisa dɛn, dɛn aks am if ɔltin ɔrayt ɛn wetin mek da kresman de kam si am. I jɛs ansa dɛn se dɛn no di man ɛn di kanaba tin we i kin tɔk.

Ozie 9:7

Izrɛl go no fɔ tru tru se di tɛm dɔn rich we dɛn fɔ pe fɔ ɔl wetin dɛn dɔn du. Dɛn mek PAPA GƆD in prɔfɛt dɛn ful ɛn dɛn ɔda man dɛn we de nia PAPA GƆD, dɛn mek dɛn fiba fulman bikɔs di pipul pasmak pan dɛn sin.

Jɛrimaya 29:26

‘PAPA GƆD dɔn mek yu di man we de mek sakrifays fɔ pipul sin instɛd ɔf Jɛoayada we na man we de mek sakrifays fɔ pipul sin, fɔ de inchaj ɔf PAPA GƆD in os, oba ɔl dɛn krɛsman we de prɔfisay, fɔ put am na chen.