Mak 3:20 - Krio Fɔs Oli Baybul

²⁰ Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.

Mak 3:20 Referans Kwoze

Mak 6:31

Jizɔs se, “Una lɛ wi go blo na ples we pipul nɔ de.” Plɛnti pipul bin de kam ɛn go so Jizɔs ɛn in lanin bɔy dɛn nɔ bin gɛt chans sɛf fɔ it.

Lyuk 6:17

Wɛn Jizɔs kɔmɔt ɔp di il kam dɔŋ wit in apɔsul dɛn, i go tinap na di lɛvul grɔn wit plɛnti in ɔda lanin bɔy dɛn. Plɛnti pipul bin kam gɛda de, sɔm pan dɛn pipul ya bin kɔmɔt Judia, sɔm bin kɔmɔt Jerusɛlɛm, ɛn sɔm bin kɔmɔt na dɛn tɔŋ we de klos di wata na Taya ɛn Saydɔn.

Mak 9:28

Wɛn Jizɔs rich na os, di lanin bɔy dɛn go mit am ɛn aks am se, “Masta, wetindu wi nɔ bin ebul drɛb di dɛbul kɔmɔt insay di bɔbɔ?”

Mak 7:17

We Jizɔs lɛf di pipul dɛn ɛn go insay di os, in lanin bɔy dɛn go mit am ɛn aks am wetin di parebul min.

Mak 3:9

Di pipul dɛn bin so plɛnti, dat Jizɔs tɛl in lanin bɔy dɛn fɔ drɔ wan bot kam klos di sho fɔ am, so dat di krawd nɔ go kwis am.

Mak 3:7

Jizɔs ɛn in lanin bɔy dɛn go klos di wata we nem Lek Galili. Wɛn di pipul dɛn we kɔmɔt ɔlɔbɔt na Galili, Judia, Jerusɛlɛm, Idumia, ɛn oba Riva Jɔdan, ɛn dɛn tɔŋ we de na Taya ɛn Saydɔn yɛri bɔt wetin Jizɔs du, dɛn go mit Jizɔs nia di lek.

Mak 1:45

Bɔt di man go tɛl plɛnti pipul wetin Jizɔs du fɔ am, so di nyuz prɛd ɔlɔbɔt. Dat mek Jizɔs nɔ sho insɛf to pipul dɛn na ɛni tɔŋ igen, bikɔs di pipul dɛn bin tu plɛnti we kam mit am, so i go tap na ples we nɔbɔdi nɔ de. Bɔt pipul bin stil de kɔmɔt ɔlsay go mit am de.

Mak 2:1

Tu, tri de pas, nain Jizɔs tɔn bak go Kepanyɔm. Di pipul dɛn yɛri se Jizɔs dɔn go nain os.

Mak 3:19

ɛn Judas Iskariɔt we sɛl Jizɔs.