Mak 3:19 - Krio Fɔs Oli Baybul

¹⁹ ɛn Judas Iskariɔt we sɛl Jizɔs.

Mak 3:19 Referans Kwoze

Jɔn 13:2

Jizɔs ɛn in lanin bɔy dɛn bin de it. Setan bin dɔn go na Judas in at fɔ mek i sɛl Jizɔs. Dis Judas ya na bin Saymɔn Iskariɔt in pikin.

Jɔn 6:71

Jizɔs bin de tɔk bɔt Judas we na Saymɔn Iskariɔt in pikin, pan ɔl we Judas na bin wan pan di twɛlv lanin bɔy dɛn, i bin mekɔp fɔ sɛl Jizɔs.

Jɔn 6:64

Pan ɔl dat, sɔm pan una nɔ biliv dɛn.” (Frɔm di tɛm we Jizɔs bigin fɔ lan di pipul dɛn, i dɔn no di wan dɛn we nɔ go biliv pan am, ɛn di pɔsin we go sɛl am.)

Matyu 26:47

Jizɔs bin de tɔk wɛn Judas we na wan pan in twɛlv lanin bɔy dɛn, kam. I kam wit plɛnti pipul we ol sɔd ɛn tin dɛn fɔ tek fɛt. Na di bigman dɛn we de mek sakrifays fɔ pipul sin ɛn di ɔda Ju bigman dɛn bin sɛn dɛn pipul ya.

Matyu 10:4

Saymɔn we bin de fɛt fɔ fri in pipul dɛn, ɛn Judas Iskariɔt, we bin fɔ sɛl Jizɔs.

Mak 3:18

Andru, Filip, Batalomyu, Matyu, Tɔmɔs, Jems we na Alfiɔs in pikin, Tadiɔs, Saymɔn we bin de fɛt fɔ fri in pipul dɛn,

Mak 3:20

Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.

Mak 9:33

Wɛn dɛn rich Kepanyɔm, dɛn go na wan os. Jizɔs aks dɛn se, “Wetin una bin de tɔk we wi de kam na rod?”