Mak 3:12 - Krio Fɔs Oli Baybul

¹² Jizɔs kin wɔn dɛn mek dɛn nɔ tɛl pipul se in na Gɔd in Pikin.

Mak 3:12 Referans Kwoze

Matyu 12:16

bɔt i tɛl dɛn nɔ fɔ tɛl ɛnibɔdi bɔt am.

Mak 1:34

Jizɔs mɛn ɔl kayn sik ɛn drɛb plɛnti dɛbul kɔmɔt insay pipul. Jizɔs nɔ gri fɔ mek di dɛbul dɛn tɔk, bikɔs dɛn bin no Jizɔs.

Mak 1:25

Bɔt Jizɔs se, “Lɛf fɔ tɔk, ɛn kɔmɔt insay di man.”

Matyu 8:4

Jizɔs se, “Lisin, nɔ tɛl ɛnibɔdi wetin bi so, go mek di man we de mek sakrifays fɔ pipul sin luk yu; dɛn, mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.”

Apɔsul Dɛn Wok 16:18

Di titi kin de du dis sem tin ɛvri de. I du am sote Pɔl tɔmɛnt. Pɔl tɔn to di slev titi ɛn tɛl di dɛbul we bin de insay am se, “Dɛbul, bay Jizɔs Krays in pawa, kɔmɔt insay dis titi ya!” Da sem tɛm de, di dɛbul kɔmɔt insay am.

Matyu 9:30

So dɛn yay opin ɛn dɛn bigin si. Jizɔs wɔn dɛn traŋa wan. I se, “Una nɔ tɛl ɛnibɔdi wetin jɛs bi so.”