Mak 2:26 - Krio Fɔs Oli Baybul

²⁶ I go insay Gɔd in Os ɛn tek di bred we dɛn kin put bifo Gɔd, it sɔm ɛn gi dɛn pipul we bin de go wit am sɔm, pan ɔl we di Ju Lɔ se nɔbɔdi nɔ fɔ it da bred de, pas dɛn man we de mek sakrifays fɔ pipul sin. Da tɛm de na Abiata na bin di edman fɔ dɛn man we de mek sakrifays fɔ pipul sin.”

Mak 2:26 Referans Kwoze

2 Samiɛl 8:17

Zedɔk we na Aitɔb in bɔypikin ɛn Aimelɛk we na Abiata in bɔypikin na bin de man dɛn we de mek sakrifays fɔ pipul sin; Seraya na bin di sɛktri;

1 Kronikuls 24:6

Na Shɛmaya we na di sɛktri ɛn na Netanɛl we na Livayt in bɔypikin, bin rɛjista dɛn bifo di kiŋ usay di bigman dɛn Zedɔk we na di man we de mek sakrifays fɔ pipul sin, Aimɛlɛk we na Abiata in bɔypikin, ɛn di big wan dɛn na di big wan dɛn na dɛn papa dɛn os dɛn pan di man dɛn we de mek sakrifays fɔ pipul sin ɛn di Livayt dɛn papa os dɛn, dɛn pik wan papa os fɔ Ɛlieza ɛn wan papa os fɔ Itama.

1 Samiɛl 21:1

Devid go na Nɔb, usay Abimɛlɛk we na di man we bin de mek sakrifays fɔ pipul sin, de. Abimɛlɛk skyad we i si am ɛn aks am wetindu nain wan i si.

1 Kiŋ 4:4

Di chif kɔmanda fɔ di ami na Bɛnaya, we na Jɛoyada in bɔypikin. Di man dɛn we de mek sakrifays fɔ pipul sin na Zedɔk ɛn Abiata.

1 Kiŋ 2:22

Kiŋ Sɔlɔmɔn tɛl in mama se if i kin aks am fɔ lɛ i mek Abishag mared to Adonayja, i fɔ jɛs aks am wantɛm fɔ mek Adonayja bi kiŋ sins nain na di big wan ɛn Abiata we de mek sakrifays fɔ pipul sin wit Joab we na Zɛruaya in bɔypikin dɛn ɔl go de biɛn am.

1 Kiŋ 1:7

Adonayja ɛŋed wit Joab, dat na Zɛruaya in bɔypikin, ɛn wit Abiata, di man we de mek sakrifays fɔ pipul sin. Dɛn bato am.

2 Samiɛl 20:25

Shiva na bin di sɛktri, Zedɔk ɛn Abiata na bin man dɛn we de mek sakrifays fɔ pipul sin

2 Samiɛl 15:35

Devid tɛl Ushay se Zedɔk ɛn Abiata we na man dɛn we de mek sakrifays fɔ pipul sin go de insay Jerusɛlɛm so i kin tɛl dɛn ɛnitin we i yɛri frɔm di pipul na di kiŋ in os.

2 Samiɛl 15:29

So Zedɔk ɛn Abiata kɛr di ak go bak na Jerusɛlɛm ɛn lɛf de.

2 Samiɛl 15:24

Zedɔk ɛn Abiata we na man dɛn we de mek sakrifays fɔ pipul sin, dɛnsɛf bin de wit Devid. Di Livayt dɛn we bin de wit dɛn bin tot di ak ɔf di Kɔvinant. Dɛn put di ak dɔŋ ɛn Abiata mek sakrifays. Dɔn dɛn tot di ak bak we ɔlman dɔn pas kɔmɔt insay Jerusɛlɛm.

1 Samiɛl 23:9

We Devid yɛri se Sɔl de plan bad fɔ am, i tɛl Abiata we na man we de mek sakrifays fɔ pipul sin fɔ kɛr di ifɔd go to am.

1 Samiɛl 23:6

Wɛn Abiata, we na Abimɛlɛk in bɔypikin bin de rɔnawe go to Devid na Kiila, i bin tek di ifɔd go wit am.

Matyu 12:4

I go insay Gɔd in Os ɛn tek di bred we dɛn kin put bifo Gɔd, dɔn i ɛn di man dɛn we bin de wit am it di bred, pan ɔl we di Ju Lɔ se nɔbɔdi nɔ fɔ it da bred de pas dɛn man we de mek sakrifays fɔ pipul sin.

Mak 2:25

Jizɔs se, “Una nɔ rid yet bɔt wetin Kiŋ Devid bin du wɛn in ɛn dɛn pipul we bin de go wit am bin aŋri bad?