Mak 16:15 - Krio Fɔs Oli Baybul

¹⁵ Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Mak 16:15 Referans Kwoze

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Mak 13:10

Bifo di wɔl dɔn, pipul ɔlɔbɔt na wɔl fɔ dɔn yɛri di Gud Nyuz fɔs.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Di Sam Dɛm 96:3

Tɛl di neshɔn dɛn bɔt di bɔku ɛn wɔndaful tin dɛn we i de du fɔ pipul na di wɔl.

Jɔn In Fɔs Lɛta 4:14

Wisɛf dɔn si in Pikin ɛn wi dɔn tɛl pipul se i sɛn in Pikin fɔ kam sev di wɔl.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Jɔn 20:21

Jizɔs tɔk bak se, “Mek Gɔd gi una kol at. Jɛs lɛkɛ aw mi Papa sɛn mi kam na dis wɔl, na so a de sɛn unasɛf fɔ go du mi wok.”

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Lɛta Fɔ Rom 16:26

Bɔt naw wetin di prɔfɛt dɛn bin rayt dɔn mek plɛnti pipul no dis tru tin ya, ɛn Gɔd we de sote go, dɔn tɛl wi fɔ tɛl ɔlman na wɔl bɔt dis tru tin, so dat ɔlman go biliv ɛn du wetin Gɔd se.

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Ayzaya 45:22

Una tɔn to Mi so dat una go sev, ɔl di kɔna dɛn na di wɔl! Bɔkɔs na Mi na Gɔd ɛn nɔn ɔda wan nɔ de.

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

Lɛta Fɔ Ɛfisɔs 2:17

Krays kam fɔ tɛl ɔlman bɔt di Gud Nyuz we de gi kol at. Dis Gud Nyuz ya de fɔ dɛn Ju pipul we bin de klos Gɔd ɛn dɛn pipul we nɔto Ju we nɔ bin de klos Gɔd.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Di Sam Dɛm 98:3

I mɛmba in lɔv ɛn aw i tru to di Izrɛlayt dɛn; Di wanol wɔl dɛn si aw PAPA GƆD de sev pipul.

Ayzaya 52:10

PAPA GƆD dɔn lɛf in oli an na do bifo ɔl dɛn neshɔn dɛn yay; ɛn ɔl di kɔna na wɔl go se wi Gɔd in salveshɔn.

Apɔsul Dɛn Wok 1:2

sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du.