Mak 15:45 - Krio Fɔs Oli Baybul

⁴⁵ Wɛn di ami ɔfisa tɛl am se Jizɔs dɔn day, Paylet gi Josɛf di bɔdi.

Mak 15:45 Referans Kwoze

Jɔn 19:38

Afta dɛn tin ya dɔn bi, Josɛf we kɔmɔt Arimatia go aks Paylet fɔ gi am Jizɔs in bɔdi. Paylet gri, so i tek di bɔdi go. (Dis Josɛf ya na man we bin biliv pan Jizɔs, bɔt i nɔ bin mek ɔda pipul no dat bikɔs i bin de fred di Ju bigman dɛn.)

Mak 15:39

Wɛn di ami ɔfisa we bin tinap bifo di krɔs si se Jizɔs dɔn day, i se, “Dis man ya na bin Gɔd in Pikin, fɔ tru!”

Matyu 27:58

I go mit Paylet ɛn aks am fɔ gi am Jizɔs in bɔdi. So Paylet tɛl di soja dɛn fɔ gi am Jizɔs in bɔdi.

Mak 15:44

Paylet wɔnda if Jizɔs dɔn day kwik wan so, so i kɔl di soja ami ɔfisa ɛn aks am if i dɔn te we Jizɔs day.

Mak 15:46

Josɛf go bay nyu linin klos, i pul Jizɔs in bɔdi pan di krɔs ɛn rap am, dɛn i go bɛr am insay wan ston grev we dɛn bin dig; dɔn i tek big ston kɔba di grev domɔt.