Mak 15:28 - Krio Fɔs Oli Baybul

²⁸ So di tin we dɛn rayt na Gɔd in Buk we se, “Pipul dɛn min se insɛf na wikɛd man,” kam bi tru.]

Mak 15:28 Referans Kwoze

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Mak 15:27

Da sem tɛm de dɛn nel tu tifman pan tu krɔs, wan na Jizɔs in raytan, wan nain lɛfan. [

Mak 15:29

Di pipul dɛn we bin de pas bin de shek dɛn ed ɛn ala pan Jizɔs. Dɛn se, “A min yu bin se yu go brok Gɔd in Os, ɛn yu go tek tri de fɔ bil am bak.

Lyuk 22:37

Di tin we dɛn prɔfɛt bin rayt bɔt mi we se, ‘Pipul dɛn min se insɛf na wikɛd man,’ de kam bi tru. Ɔl wetin dɛn prɔfɛt rayt bɔt mi mɔs bi.”

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.