Mak 15:16 - Krio Fɔs Oli Baybul

¹⁶ Di soja man dɛn kɛr Jizɔs go insay Paylet in os, dɔn dɛn gɛda di ɔda soja man dɛn.

Mak 15:16 Referans Kwoze

Jɔn 19:9

I go bak insay di ples we dɛn de jɔj kes ɛn aks Jizɔs se, “Usay yu kɔmɔt?” Bɔt Jizɔs nɔ gri ansa.

Jɔn 18:28

Ali mɔnin di gyad dɛn go pul Jizɔs na Kaye fas in os kɛr am go na di gɔvnain os. Di Ju bigman dɛn nɔ go insay di gɔvnain os, bikɔs dɛn Ju Lɔ se if dɛn go insay os we pipul we nɔto Ju tap, dɛn nɔ go klin na Gɔd yay, ɛn dat go mek dɛn nɔ fit fɔ it pan di it we dɛn mek fɔ di Pasova.

Matyu 26:3

Di bigman dɛn we de mek sakrifays fɔ pipul sin ɛn di ɔda Ju bigman dɛn mek mitin na Kaye fas in os; Kaye fas na bin edman fɔ dɛn man we de mek sakrifays fɔ pipul sin.

Apɔsul Dɛn Wok 10:1

Wan man bin de na Sizaria we bin nem Kɔnilyɔs, na bin kapten fɔ dɛn soja man na Rom. Dɛn bin de kɔl dɛn soja man ya “Itali Soja man Dɛn”.

Jɔn 18:33

Paylet go insay di ples we dɛn de jɔj ɛn mek dɛn kɛr Jizɔs go mit am insay de. I aks Jizɔs se, “Na yu na di Ju pipul dɛn Kiŋ?”

Mak 15:17

Dɛn drɛs Jizɔs wit dak rɛd klos, dɛn mek krawn wit chuk chuk ɛn wɛr am nain ed.

Jɔn 19:2

Di soja man dɛn tek chuk chuk mek krawn ɛn wɛr am pan Jizɔs in ed, dɔn dɛn wɛr lɔŋ dak rɛd klos pan am.