Mak 14:9 - Krio Fɔs Oli Baybul

⁹ A de tɛl una se, ɛni say na wɔl we dɛn de tɛl pipul di Gud Nyuz, dɛn mɔs mɛmba dis uman ɛn tɔk bɔt dis tin we i dɔn du so.”

Mak 14:9 Referans Kwoze

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Zɛkaraya 6:14

Na dis krawn dɛn go tek fɔ mɛmba Ɛlday, Tobija ɛn Jɛdaya.

Di Nɔmba Dɛm 31:54

Mozis ɛn Ɛlieza we na di man we de mek sakrifays fɔ pipul sin tek di tin dɛn ɛn briŋ dɛn kam na di Tɛnt usay dɛn kin mit PAPA GƆD. So wɛn dɛn si dɛn, dɛn go de mɛmba wetin PAPA GƆD du fɔ dɛn.

Matyu 24:28

“Ɛni say we bif we dɔn day de, na de yuba dɛn de go gɛda.