Mak 14:69 - Krio Fɔs Oli Baybul

⁶⁹ Di savant-gyal si Pita bak, i tɛl di pipul dɛn we bin tinap klos de, se, “Dis man na wan pan Jizɔs in lanin bɔy dɛn!”

Mak 14:69 Referans Kwoze

Lɛta Fɔ Galeshya 6:1

Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk traŋa wan pan am, ɛn una fɔ tek tɛm mek unasɛf nɔ go want fɔ du tin we nɔ rayt.

Jɔn 18:25

Saymɔn Pita bin stil de klos di faya de wam in bɔdi. Di ɔda pipul dɛn we bin de wam dɛn bɔdi aks am se, “Yusɛf nɔto wan pan da man de in lanin bɔy dɛn?” Saymɔn Pita se, “Nɔ-o, mi nɔto in lanin bɔy!”

Jɔn 18:17

Di titi we bin de na di get aks Saymɔn Pita se, “Yusɛf nɔto wan pan da man de in lanin bɔy dɛn?” Saymɔn Pita se, “Nɔ-o, mi nɔto in lanin bɔy!”

Lyuk 22:58

I nɔ te igen, ɔda pɔsin we si Pita, se, “Yusɛf na wan pan in lanin bɔy dɛn.” Bɔt Pita dinay. I se, “Padi, mi nɔto da man de in lanin bɔy.”

Mak 14:38

Una fɔ waydawek ɛn una fɔ pre mek una nɔ go sin wɛn Setan tray una. Una want du di rayt tin, bɔt una nɔ gɛt di pawa fɔ du am.”

Mak 14:68

Bɔt Pita dinay, i se, “A nɔ no wetin yu de tɔk bɔt sɛf.” Pita grap ɛn go klos di get. [Da sem tɛm de fɔl kro.]

Mak 14:70

Bɔt Pita dinay bak. I nɔ tu te igen, di pipul dɛn we bin tinap de tɛl Pita se, “Yu na wan pan dis man in lanin bɔy dɛn, fɔ tru, bikɔs na Galili yusɛf kɔmɔt.”