Mak 14:68 - Krio Fɔs Oli Baybul

⁶⁸ Bɔt Pita dinay, i se, “A nɔ no wetin yu de tɔk bɔt sɛf.” Pita grap ɛn go klos di get. [Da sem tɛm de fɔl kro.]

Mak 14:68 Referans Kwoze

Mak 14:72

Wantɛm, fɔl kro sɛkɛn tɛm. Pita mɛmba wetin Jizɔs bin tɛl am. Jizɔs bin tɔk se, “Yu go se yu nɔ no mi tri tɛm bifo fɔl kro tu tɛm.” Pita bɔs kray.

Mak 14:54

Pita bin de fawe lili bit de fala Jizɔs wɛn dɛn de kɛr am go te dɛn rich insay di edman fɔ dɛn man we de mek sakrifays fɔ pipul sin, in yad. Wɛn dɛn rich de, Pita go sidɔm klos di gyad dɛn, de wam insɛf klos di faya.

Mak 14:69

Di savant-gyal si Pita bak, i tɛl di pipul dɛn we bin tinap klos de, se, “Dis man na wan pan Jizɔs in lanin bɔy dɛn!”

Mak 14:70

Bɔt Pita dinay bak. I nɔ tu te igen, di pipul dɛn we bin tinap de tɛl Pita se, “Yu na wan pan dis man in lanin bɔy dɛn, fɔ tru, bikɔs na Galili yusɛf kɔmɔt.”