Mak 14:65 - Krio Fɔs Oli Baybul

⁶⁵ Sɔm pan dɛn bigin fɔ pit pan Jizɔs; dɛn kɔba in fes, dɛn slap am, ɛn tɛl am se if in na prɔfɛt mek i tɛl dɛn udat slap am. Di gyad dɛnsɛf bigin slap Jizɔs.

Mak 14:65 Referans Kwoze

Apɔsul Dɛn Wok 23:2

Di edman fɔ dɛn man we de mek sakrifays fɔ pipul sin we bin nem Ananayas tɛl di pipul dɛn we bin tinap klos Pɔl fɔ slap in mɔt.

Jɔn 19:3

Dɛn slap slap am, dɔn dɛn laf am ɛn se, “Yu we na di Ju pipul dɛn Kiŋ nɔ tap fɔ rul igen.”

Ayzaya 50:6

A bin gi mi bak to di wan dɛn we de bit, ɛn mi jɔ to di wan dɛn we bin de pul di biabia; A nɔ bin ayd mi fes se a de shem, ɛn sɛf we dɛn bin de pit pan mi.

Jɔn 18:22

Wɛn Jizɔs tɔk dat, wan pan di gyad dɛn we bin lib de slap am ɛn se, “Na so yu fɔ tɔk to di edman fɔ dɛn man we de mek sakrifays fɔ pipul sin?”

Mak 15:19

Dɛn bit am wit tik nain ed, dɛn pit pan am, dɔn dɛn nil dɔŋ bifo am lɛkɛ se dɛn de wɔship am.

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Ayzaya 52:14

Lɛk we dɛn bin plɛnti we bin wɔnda pan am- we i bin damej ɛn nɔ bin fiba mɔtalman igen, ɛn nɔ bin shep lɛk mɔtalman igen-

Job 30:10

Dɛn tɔn dɛn bak pan mi ɛn sho mi se dɛn nɔ lɛk mi, ɛn dɛn nɔ kin fred fɔ pit we dɛn si mi.

Ɛsta 7:8

Di kiŋ kɔmɔt na di os in gadin go insay usay dɛn bin de drink, i mit Eman butu na Ɛsta in fut fɔ beg am, bɔt da tɛm de, Ɛsta bin lidɔm na di sɛti. So di kiŋ se, “Yuwant fɔ rabish di kwin sɛf usay a de, na mi yon os?” Di wɔd nɔ kɔmɔt gud nain mɔt, dɛn dɔn kɔndɛm Eman.

Di Nɔmba Dɛm 12:14

PAPA GƆD se, “If nain papa bin pit nain fes, i nɔ bin fɔ liv wit di shem ɛn disgres fɔ sɛvin de? So mek i go tap na do ɛn nɔ miks na di kamp fɔ sɛvin de, afta dat i kin kam jɔyn una igen

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Mak 10:34

Di pipul dɛn go masaka am, dɛn go pit pan am ɛn kil am, bɔt i go rayz frɔm di grev di de we mek tri.”

Mayka 5:1

I se dɛn dɔn sɔrawnd dɛn na dɛn siti we gɛt wɔl ɛn dɛn dɔn bit dɛn bigman sɛf ɛn gi am dɔti fɔ it.

2 Kronikuls 18:23

Na de Zɛdikaya, dat na Kenaanain bɔypikin go nia Maykaya ɛn slap am nain fes ɛn aks am se usay PAPA GƆD in spirit pas we i lɛf in go to am go tɔk to am.

Matyu 27:30

Dɛn pit pan am, dɔn dɛn tek di tik we bin de nain an ɛn nak am nain ed.