Mak 14:55 - Krio Fɔs Oli Baybul

⁵⁵ Di bigman dɛn we bin de mek sakrifays fɔ pipul sin ɛn ɔl di Ju bigman dɛn we bin de jɔj na di Ju gran kot bin de luk fɔ pɔsin we go tɔk wetin Jizɔs du we bad, so dat dɛn kin kil am, bɔt dɛn nɔ fɛn ɛnibɔdi.

Mak 14:55 Referans Kwoze

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.

Di Sam Dɛm 35:11

Pipul dɛn de luk mi korokoro wan ɛn lay pan mi, dɛn se dɛn na witnɛs; Tin dɛn we a nɔ no bɔt sɛf, nain dɛn de tɔk.

Di Sam Dɛm 27:12

Nɔ mek mi ɛnimi dɛn gɛt wetin dɛn want, bikɔs bɔku dɔn rɛdi fɔ lay pan mi lɛk a kɔmit kraym.

1 Kiŋ 21:13

Di tu badman dɛnsɛf go sidɔm bifo Nebɔth ɛn lay pan am se dɛn yɛri we i de tɔk bad bɔt PAPA GƆD ɛn di kiŋ. Di pipul dɛn pul Nebɔth kɔmɔt na di siti ɛn ston am te i day.

1 Kiŋ 21:10

Dɔn lɛ dɛn fɛn tu bad man dɛn we go lay pan Nebɔth se i tɔk bad bɔt PAPA GƆD ɛn di kiŋ, dɔn lɛ dɛn pul am kɔmɔt de ɛn ston am te i day.

Mak 14:56

Plɛnti pipul go lay pan Jizɔs, bɔt dɛn ɔl nɔ tɔk di sem tin.

Jɔn 18:19

Di edman fɔ dɛn man we bin de mek sakrifays fɔ pipul sin aks Jizɔs bɔt in lanin bɔy dɛn ɛn di tin dɛn we i bin de lan pipul.

Jɔn 18:21

So, wetindu yu de aks mi kwɛshɔn? Aks dɛn pipul we yɛri wetin a tɔk, bikɔs dɛn no wetin a bin tɔk.”