Mak 14:5 - Krio Fɔs Oli Baybul

⁵ Pɔsin bin fɔ gɛt lɛkɛ tri ɔndrɛd silva kɔpɔ so, if i bin sɛl di sɛnt ɛn sheb di kɔpɔ gi dɛn pipul we nɔ gɛt natin.” Dɛn bigin tɔk pan di uman.

Mak 14:5 Referans Kwoze

Jɔn 13:29

We na Judas bin de kip di kɔpɔ fɔ Jizɔs ɛn in lanin bɔy dɛn, sɔm pan di lanin bɔy dɛn bin mɛmba se Jizɔs bin de tɛl am fɔ go bay dɛn tin we dɛn bin want yus fɔ di Pasova ɔlide ɔ fɔ go gi dɛn po pipul sɔntin.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

Lɛta Fɔ Filipay 2:14

Una nɔ fɔ grɔmbul ɛn una nɔ fɔ agyu wɛn una de du ɛnitin,

Lɛta Fɔ Ɛfisɔs 4:28

Mek di pɔsin we bin de tif lɛf fɔ tif, ɛn bigin wok traŋa wan fɔ ɛp insɛf ɛn fɔ ɛp ɔda pipul we nɔ gɛt.

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

Jɔn 6:43

Jizɔs tɛl dɛn se, “Una lɛf fɔ grɔmbul!

Jɔn 6:7

Filip ansa Jizɔs se, “Fɔ mek ɔlman gɛt lili lili bit, wi fɔ pul pas tu ɔndrɛd silva kɔpɔ fɔ bay di bred.”

Lyuk 15:2

Dat mek dɛn Faresi ɛn dɛn Ju Lɔ ticha bigin grɔmbul, dɛn se, “Dis man de mek padi wit dɛn bad pipul we wi nɔ de miks wit, ɛn i de it wit dɛn.”

Matyu 20:11

Di lebra dɛn we i tek ali mɔnin tek dɛn mɔni ɛn bigin grɔmbul pan di man we gɛt di fam.

Matyu 18:28

“Bɔt wɛn di ɔfisa we di kiŋ sɔri fɔ dɔn go, i mit wan in kɔmpin ɔfisa we bin gɛt fɔ pe am kɔpɔ we nɔ plɛnti. I skɔla am nain trot ɛn se, ‘Pe mi ɔl wetin yu gɛt fɔ pe mi!’

Di Sam Dɛm 106:25

Dɛn grɔmbul bɔku usay dɛn de ɛn nɔ gri fɔ du wetin PAPA GƆD se.

Ditarɔnɔmi 1:27

bifo dat dɛn bin sidɔm insay dɛn tɛnt de grɔmbul se, PAPA GƆD nɔ lɛk dɛn, nain mek i pul dɛn kɔmɔt na Ijipt ɛn kɛr dɛn go usay di Amɔrayt dɛn de, so dat dɛn go kil dɛn.

Mak 14:4

Sɔm pan di pipul dɛn we bin lib de vɛks, dɛn se, “Wetin mek dis uman wes dis dia sɛnt?

Mak 14:6

Jizɔs se, “Una lɛf fɔ tɔk pan di uman! Wetin du una de ambɔg am? Na gud wok i dɔn du fɔ mi so!

Matyu 26:9

I bin fɔ gɛt plɛnti kɔpɔ if i bin sɛl di sɛnt, ɛn sheb di kɔpɔ gi dɛn pipul we nɔ gɛt natin.”