Mak 14:44 - Krio Fɔs Oli Baybul

⁴⁴ Judas we bin want sɛl Jizɔs bin dɔn tɛl di pipul dɛn aw dɛn go no am. I se, “Di wan we a go kis, una grip am ɛn kɛr am go wit gyad dɛn rawnd am.”

Mak 14:44 Referans Kwoze

Prɔvabs 27:6

We yu padi ɔpoz yu na we i lɛk yu, bɔt if yu ɛnimi kis yu mm! Yu fɔ fred.

Ɛksodɔs 12:13

Di blɔd we una go rɔb na una domɔt frem go bi sayn fɔ sho se na una de na dɛn os dɛn de. We a si di blɔd a go pas oba una ɛn nɔn pan una nɔ go day we dis waala kam na Ijipt.

Sɛkɛn Lɛta Fɔ Tɛsalonayka 3:17

Na mi yon an a tek rayt dis: Mi, Pɔl, de tɛl una adu. Na dis sho se na mi rayt dis lɛta; na so a kin rayt ɔl mi lɛta dɛn.

Lɛta Fɔ Filipay 1:28

Una nɔ fɔ fred se dɛn pipul we nɔ lɛk una go mek una sɔfa, bɔt una fɔ gɛt kɔrej; dat go sho dɛn se Gɔd de wit una ɛn i go sev una, bɔt dɛn yon layf nɔ go bɛtɛ.

Jɔshwa 2:12

Reab tɛl dɛn fɔ swɛ na PAPA GƆD in nem ɛn prɔmis an se, we in dɔn sev dɛn layf, dɛnsɛf go sev in ɛn in fambul dɛn layf we dɛn go go fɔ go nyakanyaka Jɛriko. I se dɛn fɔ tɛl an wetin go mek i biliv se dɛn go sev dɛn.

Apɔsul Dɛn Wok 16:23

Wɛn dɛn dɔn bit dɛn dɔn, di bigman dɛn tɛl di gyad fɔ lɔk Pɔl ɛn Saylas gud na sɛl fɔ mek dɛn nɔ rɔnawe.

Matyu 26:46

Una grap, lɛ wi go. Una luk di pɔsin we go sɛl mi, de kam naw!”

Mak 14:43

As Jizɔs de tɔk so, nain Judas we na wan pan in lanin bɔy dɛn kam wit sɔm pipul we ol sɔd ɛn ɔda tin dɛn fɔ tek fɛt. Na di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn bin sɛn di pipul dɛn.

Mak 14:45

Wɛn Judas kam, i go to Jizɔs wantɛm, i se, “Masta!” Dɛn i kis am.