Mak 14:41 - Krio Fɔs Oli Baybul

⁴¹ Wɛn Jizɔs kam bak di tɔd tɛm, i aks dɛn se, “Una stil de slip, una de blo te naw? I dɔn du so! Di tɛm dɔn rich; dɛn go sɛl Mɔtalman Pikin gi dɛn bad pipul.

Mak 14:41 Referans Kwoze

Mak 14:35

Jizɔs lɛf Pita, Jems ɛn Jɔn, i go bifo lili bit, dɔn i ledɔm flat na grɔn ɛn bigin pre. I se, if we de, mek Gɔd nɔ mek di tɛm we i fɔ sɔfa kam.

Mak 9:31

bikɔs i bin de lan in lanin bɔy dɛn. I se, “Dɛn go ol Mɔtalman Pikin ɛn an am oba gi pipul we go kil am. I go rayz frɔm di grev di de we mek tri.”

Jɔn 17:1

Wɛn Jizɔs dɔn tɔk dɔn, i luk ɔp na ɛvin ɛn pre se, “Papa, di tɛm dɔn kam; sho pipul aw yu Pikin wɔndaful, so dat i go sho pipul aw yu wɔndaful.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Jɔn 12:27

“Mi at wɔri naw, ɛn wetin a go se? Mek a se, ‘Papa, duya, nɔ mek da awa de mit mi?’ Bɔt na dat mek a kam na wɔl, a kam na wɔl fɔ sɔfa lɛkɛ aw a go sɔfa.

Jɔn 12:23

Jizɔs tɛl dɛn se, “Di tɛm dɔn rich we Gɔd go sho aw Mɔtalman Pikin wɔndaful.

Jɔn 8:20

Jizɔs tɔk dɛn wɔd ya wɛn i bin de lan pipul na Gɔd in Os, insay di rum we di ɔfrin bɔks bin de. Nɔbɔdi nɔ ol am bikɔs di tɛm we fɔ ol am nɔ bin rich yet.

Jɔn 7:30

Dɛn tray fɔ ol Jizɔs, bɔt nɔbɔdi nɔ ebul put an pan am, bikɔs di tɛm fɔ ol am nɔ bin rich yet.

Mak 14:18

Wɛn dɛn de it, Jizɔs se, “A de tɛl una se, wan pan una we de it wit mi naw go sɛl mi.”

Mak 14:10

Judas Iskariɔt we na wan pan di twɛlv lanin bɔy dɛn go mit di bigman dɛn we de mek sakrifays fɔ pipul sin fɔ tɛl dɛn se in go sɛl Jizɔs gi dɛn.

Mak 7:9

I tɔk igen se, “Una tink se una gɛt sɛns we una nɔ tek wetin Gɔd tɛl una fɔ du mek natin ɛn una jɛs de du wetin una grampapa papa dɛn bin tɛl una yon Ju pipul dɛn fɔ du!

Matyu 26:2

“Una no se i lɛf tu de fɔ mek di Pasova ɔlide kam, ɛn dɛn go an ova Mɔtalman Pikin gi pipul we go nel am pan di krɔs.”

Izikɛl 20:39

“As fɔ una, una Izrɛl, na dis Papa Gɔd we na Gɔd se: if una nɔ de lisin to mi, lɛ ɔlman go sav in laylay gɔd frɔm naw sote go, bɔt una nɔ go ebul fityay mi nem igen wit una prɛzɛnt dɛn ɛn laylay gɔd dɛm.

Ɛkliziastis 11:9

Ɛnjɔy yusɛf, yɔŋman, we yu yɔŋ, ɛn lɛ yu at mek yu gladi we yu yɔŋ. Du wetin yu at tɛl yu ɛn tek wetin yu si we yu lɛk, bɔt no se fɔ ɔl dɛn tin dɛn de, PAPA GƆD go jɔj yu.

2 Kiŋ 3:13

Ilaɛlsha aks di kiŋ na Izrɛl us biznɛs dɛn gɛt we i de kam to am. I se lɛ i go to in mami ɛn dadi dɛn prɔfɛt. Bɔt di kiŋ fɔ Izrɛl se nɔ, i se na PAPA GƆD dɔn gɛda dɛn tri fɔ an dɛn oba to Moab.

1 Kiŋ 22:15

Wɛn Maykaya rich to di kiŋ, di kiŋ aks am se if lɛ i go fɛt Ramɔt Giliad ɔ lɛ i nɔ go. Maykaya ansa am se lɛ i go, PAPA GƆD go mek i win.

1 Kiŋ 18:27

We santɛm rich, Ilayja bigin provok dɛn se, “Una ala lawd, lawd wan! Bo na gɔd! Sɔntɛm i de mɛditet, sɔntɛm i de slip ɔ i de du sɔntin, ɔ sɔntɛm i dɔn travul sɛf.”

Di Jɔj Dɛm 10:14

I tɛl dɛn se lɛ dɛn go kray to di gɔd dɛn we dɛn bin dɔn pik, lɛ dɛn fɛt fɔ dɛn we dɛn de pan trɔbul.

Mak 14:40

I go bak igen go mit Pita, Jems ɛn Jɔn de slip, dɛn nɔ bin ebul opin dɛn yay sɛf, bikɔs di slip bin de mɔna dɛn. Dɛn nɔ bin no wetin fɔ tɔk sɛf.

Mak 14:42

Una grap, lɛ wi go; una luk, di pɔsin we go sɛl mi de kam naw!”