Mak 14:40 - Krio Fɔs Oli Baybul

⁴⁰ I go bak igen go mit Pita, Jems ɛn Jɔn de slip, dɛn nɔ bin ebul opin dɛn yay sɛf, bikɔs di slip bin de mɔna dɛn. Dɛn nɔ bin no wetin fɔ tɔk sɛf.

Mak 14:40 Referans Kwoze

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Jɛnɛsis 44:16

Juda ansa se dɛn nɔ gɛt ɛnitin fɔ se. I se natin nɔ de we dɛn go du fɔ sho se dɛn nɔ tif in kɔp. I se na PAPA GƆD de pɔnish dɛn fɔ di bad dɛn we dɛn dɔn du. I se dɛn ɔl dɔn tɔn bak fɔ bi in slev dɛn, nɔto di wan nɔmɔ we dɛn fɛn di kɔp to.

Mak 14:39

Jizɔs lɛf dɛn go bak, i pre wit di sem wɔd dɛn we i bin pre wit di fɔs tɛm.

Mak 14:41

Wɛn Jizɔs kam bak di tɔd tɛm, i aks dɛn se, “Una stil de slip, una de blo te naw? I dɔn du so! Di tɛm dɔn rich; dɛn go sɛl Mɔtalman Pikin gi dɛn bad pipul.

Lyuk 9:32

Slip bin dɔn kech Pita ɛn in kɔmpin dɛn, so dɛn slip, wɛn dɛn wek dɛn si di brayt layt rawnd Jizɔs ɛn di tu man dɛn we bin tinap wit am.