Mak 14:36 - Krio Fɔs Oli Baybul

³⁶ I se, “Mi Papa, yu ebul du ɔltin, duya, nɔ mek a sɔfa dis sɔfa we a fɔ sɔfa, bɔt ɛniwe, nɔ du wetin a want, du wetin yu want.”

Mak 14:36 Referans Kwoze

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Jɔn 5:30

“A nɔ gɛt di pawa fɔ du ɛnitin bay misɛf; a jɛs de jɔj pipul lɛkɛ aw Gɔd tɛl mi fɔ jɔj dɛn, so na di rayt we a de jɔj pipul bikɔs a nɔ de tray fɔ du wetin a want, na wetin di wan we sɛn mi want, na dat nɔmɔ a de du.

Sɛkɛn Lɛta To Timoti 2:13

If wi nɔ du wetin i tɛl wi, in go stil de du wetin i dɔn tɛl wi se in go du, bikɔs i nɔ go lay pan insɛf.”

Jɔn 12:27

“Mi at wɔri naw, ɛn wetin a go se? Mek a se, ‘Papa, duya, nɔ mek da awa de mit mi?’ Bɔt na dat mek a kam na wɔl, a kam na wɔl fɔ sɔfa lɛkɛ aw a go sɔfa.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Lɛta Fɔ Filipay 2:8

I nɔ luk se in ɛn Gɔd na wan, bɔt i gri fɔ du ɔl wetin Gɔd tɛl am fɔ du, fɔ day sɛf. I gri fɔ day na di krɔs.

Jɔn 18:11

Jizɔs tɔn to Saymɔn Pita, i se, “Put yu sɔd bak na di ples we i bin de! Yu tink se a nɔ go sɔfa di sɔfa we mi Papa dɔn mak fɔ mi?”

Mak 10:27

Jizɔs luk dɛn ɛn se, “Gɔd ebul du wetin mɔtalman nɔ ebul du; Gɔd ebul du ɔltin.”

Jɔn 4:34

Jizɔs se, “Mi yon it na fɔ dɔn di wok we di wan we sɛn mi gi mi fɔ du, ɛn fɔ du ɔl wetin i want.

Matyu 26:39

I lɛf dɛn ɛn go bifo say lili bit, i ledɔm flat wit in fes na grɔn, ɛn pre se, “Mi Papa, if we de, pul dis sɔfa we a fɔ sɔfa kɔmɔt, ɛniwe, nɔto wetin mi want, na wetin yu want.”

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

Jɛrimaya 32:27

‘A de tɛl una, na mi na PAPA GƆD di Gɔd fɔ ɔl mɔtalman; ɛnitin de we traŋa fɔ mi fɔ du?

Di Sam Dɛm 40:8

a de ɛnjɔy fɔ du wetin yu want a de kip yu lɔ na mi at so a go obe am.”

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Matyu 26:42

Jizɔs go pre bak, i se, “Mi Papa, if we nɔ de fɔ pul dis sɔfa we a gɛt fɔ sɔfa kɔmɔt, mek wetin yu want bi.”

Mak 14:37

Wɛn Jizɔs go bak to di tri lanin bɔy dɛn, i mit dɛn de slip. I aks Pita se, “Saymɔn, yu de slip? Yu nɔ ebul wek ɛn pre wit mi wan awa sɛf?

Mak 10:39

Dɛn se, “Wi go ebul, sa!” Jizɔs se, “Una go drink na di kɔp we a go drink ɛn una go baptayz lɛkɛ aw a go baptayz,