Mak 14:26 - Krio Fɔs Oli Baybul

²⁶ Dɛn siŋ wan Gɔd siŋ, dɔn dɛn go na Mawnt Ɔliv.

Mak 14:26 Referans Kwoze

Matyu 26:30

Dɛn siŋ wan Gɔd siŋ, dɔn dɛn go na Mawnt Ɔliv.

Lyuk 22:39

Jizɔs kɔmɔt na di tɔŋ ɛn bigin waka go na Mawnt Ɔliv lɛkɛ aw i kin du ɛn in lanin bɔy dɛn fala am go de.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Jems 5:13

If ɛni wan pan una de sɔfa, mek i aks Gɔd fɔ ɛp am. If ɛni wan pan una gladi, mek i siŋ ɛn prez Gɔd.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

1 Kɔrint 14:15

So wetin a fɔ du? A go pre wit mi spirit, bɔt semwe so a go tink bɔt wetin a de pre: a go siŋ wit mi spirit, bɔt semwe so a go tink bɔt wetin a de siŋ.

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Matyu 21:1

Wɛn Jizɔs ɛn in lanin bɔy dɛn de klos Jerusɛlɛm, dɛn rich Bɛtfej we de na Mawnt Ɔliv; wɛn dɛn rich de, Jizɔs sɛn tu pan in lanin bɔy dɛn go bifo dɛn.

Mak 14:25

A de tɛl una se, a nɔ go drink wayn igen sote di tɛm we a go drink di nyu wayn na di ples we Gɔd de rul.”

Jɔn 18:1

Afta Jizɔs dɔn pre dɔn, in ɛn in lanin bɔy dɛn kɔmɔt na di ples we dɛn bin de, dɛn krɔs wan watasay we dɛn kɔl Kidrɔn. Dɛn go insay wan gadin we bin lib de.