Mak 14:25 - Krio Fɔs Oli Baybul

²⁵ A de tɛl una se, a nɔ go drink wayn igen sote di tɛm we a go drink di nyu wayn na di ples we Gɔd de rul.”

Mak 14:25 Referans Kwoze

Matyu 26:29

A de tɛl una se, a nɔ go drink wayn igen sote di tɛm we a go drink di nyu wayn wit una na di ples we mi Papa de rul.”

Di Sam Dɛm 104:15

na frɔm di plant dɛn, dɛn de mek wayn we de mek man at swit, dɛn de mek ɔyl fɔ gris in fes, ɛn ɔda tin dɛn fɔ it fɔ mek dɛn nɔ day.

Zɛkaraya 9:17

Di ples go fayn fɔ si, bɔbs! Yutman dɛn go plant bɔku tin we go mek layf bɛtɛ fɔ dɛn ɛn dɛn go mek wayn fɔ dɛn yɔŋgyal.

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Mak 14:24

I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Mak 14:26

Dɛn siŋ wan Gɔd siŋ, dɔn dɛn go na Mawnt Ɔliv.