Mak 14:24 - Krio Fɔs Oli Baybul

²⁴ I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Mak 14:24 Referans Kwoze

Ɛksodɔs 24:8

Mozis tek di blɔd ɛn sprinkul am pan di pipul dɛn, dɔn i tɛl dɛn se dis na di blɔd we kɔnfam di Kɔvinant we PAPA GƆD dɔn mek wit dɛn we i gi dɛn ɔl in lɔ.

Zɛkaraya 9:11

I se, bikɔs ɔf di Kɔvinant we i bin dɔn mek wit dɛn we i yuz blɔd, i go fri ɔl dɛn prizina we de na ol we nɔ gɛt wata.

1 Kɔrint 11:25

Semwe so, wɛn dɛn dɔn it, i tek di kɔp we di wayn de, i se, “Dis kɔp we ful wit wayn na di nyu agrimɛnt we Gɔd mek wit mɔtalman wit mi blɔd. Una fɔ mɛmba mi ɛnitɛm we una de drink di wayn we una blɛs lɛkɛ dis.”

1 Kɔrint 10:16

Wɛn wi de drink di wayn we de na di kɔp we di Masta bin blɛs ɛn wi tɛl am tɛnki: nɔto drink wi ɔl de drink pan Krays in blɔd? Ɛn wɛn wi brok di bred ɛn sheb am, nɔto it wi ɔl de it pan Krays in bɔdi?

Jɔn 6:53

Jizɔs se, “A de tɛl una fɔ tru se, if una nɔ it Mɔtalman Pikin in bɔdi ɛn drink in blɔd, una nɔ go gɛt tru layf.

Mak 10:45

Mɔtalman Pikin insɛf nɔ kam fɔ mek pipul bi in savant, i kam fɔ bi dɛn savant, ɛn fɔ gi in layf fɔ sev plɛnti plɛnti pipul.”

Jɛrimaya 31:31

PAPA GƆD se, ‘Di de dɛn de kam, we a go mek nyu Kɔvinant wit Izrɛl ɛn Juda,

Mak 14:23

Dɛn i tek di kɔp ɛn pre ɛn tɛl Gɔd tɛnki. I gi in lanin bɔy dɛn; dɛn ɔl drink pan di wayn.

Mak 14:25

A de tɛl una se, a nɔ go drink wayn igen sote di tɛm we a go drink di nyu wayn na di ples we Gɔd de rul.”

Lyuk 22:20

Semwe so, wɛn dɛn dɔn it di Pasova it dɔn, Jizɔs tek di kɔp ɛn tɛl dɛn se, “Di wayn we de na dis kɔp na di nyu agrimɛnt bitwin Gɔd ɛn mɔtalman we a mek wit mi blɔd wɛn a gri fɔ mek pipul kil mi.]