Mak 14:21 - Krio Fɔs Oli Baybul

²¹ Mɔtalman Pikin go day lɛkɛ aw dɛn rayt bɔt am na Gɔd in Buk; bɔt i go bad fɔ di pɔsin we go sɛl am. I bin fɔ bɛtɛ if da pɔsin de nɔ bin bɔn!”

Mak 14:21 Referans Kwoze

Jɔn 19:28

Wɛn dat bi, Jizɔs bin no se in wok na dis wɔl dɔn dɔn, ɛn fɔ mek wetin rayt na Gɔd in Buk kam bi tru, i se, “A tɔsti.”

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Apɔsul Dɛn Wok 4:27

Fɔ tru, Ɛrɔd ɛn Pɔnchɔs Paylet ɛŋ ed na Jerusɛlɛm wit dɛn Roman pipul ɛn dɛn pipul na Izrɛl fɔ bagin fɔ du Jizɔs bad. Dis Jizɔs ya gi insɛf fɔ wok fɔ yu ɛn nain yu dɔn mek bi di Mɛsaya.

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Apɔsul Dɛn Wok 1:25

fɔ du di wok we Judas dɔn lɛf. Judas dɔn go na di say we i fɔ go.”

Matyu 26:56

Ɔl dis bi so dat wetin di Prɔfɛt dɛn bin rayt na Gɔd in Buk go bi.” Wɛn i dɔn tɔk dɔn, nain ɔl di lanin bɔy dɛn lɛf am ɛn rɔnawe.

Matyu 26:54

Bɔt if a du dat, aw wetin rayt na Gɔd in Buk go bi, we dɛn se na so Gɔd want wetin de bi naw fɔ bi?”

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Daniɛl 9:26

Wɛn di siksti tu wik go dɔn dɔn, dɛn go kil di pɔsin we dɛn dɔn anɔynt ɛn i go tɔn po man. Ɛn di prins we go gɛt fɔ kam, in pipul dɛm go nyakanyaka di siti ɛn di ples we dɛn de pre. Ɔltin go dɔn wantɛm wantɛm. Bay di tɛm we ɔltin go dɔn, wa go fɔdɔm. I go bi lɔ se dɛn fɔ nyakanyaka di siti.

Ayzaya 52:14

Lɛk we dɛn bin plɛnti we bin wɔnda pan am- we i bin damej ɛn nɔ bin fiba mɔtalman igen, ɛn nɔ bin shep lɛk mɔtalman igen-

Di Sam Dɛm 55:15

Lɛ mi ɛnimi dɛn day bifo dɛn tɛm, lɛ dɛn bɛr dɛn layf wan; bikɔs na usay nɔmɔ dɛn de na de bad de sidɔm.

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Lyuk 22:22

Mɔtalman Pikin go day lɛkɛ aw Gɔd dɔn mak, bɔt i go bad fɔ di pɔsin we go mek dɛn kil am!”

Mak 14:49

Ɛvri de bin de wit una na Gɔd in Os de lan una bɔt Gɔd, bɔt una nɔ bin ol mi. Bɔt ɔl dis bi so dat wetin dɛn bin rayt na Gɔd in Buk go bi.”

Mak 14:20

Jizɔs ansa se, “Na wan pan una twɛlv we de put an insay di sem dish wit mi.

Mak 14:22

Wɛn dɛn de it, Jizɔs tek bred, i pre ɛn tɛl Gɔd tɛnki. I kɔt kɔt am ɛn gi in lanin bɔy dɛn ɛn se, “Una tek am ɛn it am, dis na mi bɔdi.”