Mak 14:13 - Krio Fɔs Oli Baybul

¹³ Jizɔs kɔl tu pan in lanin bɔy dɛn fɔ sɛn dɛn, i se, “Una go insay di tɔŋ, una go mit wan man we ol wan big jɔg wata, una fala am go na di say we i de go.

Mak 14:13 Referans Kwoze

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Jɔn 15:14

Una na mi padi dɛn if una du wetin a tɛl una fɔ du.

Matyu 8:9

Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we dɛn de ɔnda mi. A kin tɛl wan se, ‘Go,’ ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.”

Jɔn 2:5

Jizɔs in mama tɛl di savant dɛn se mek dɛn du ɛnitin we i tɛl dɛn fɔ du.

Mak 14:12

Di fɔs de pan di Ju ɔlide we di Ju dɛn kin it bred we nɔ gɛt yist, ɛn kil ship fɔ mɛmba di Pasova, di lanin bɔy dɛn aks Jizɔs se, “Usay wi fɔ go rɛdi di Pasova it?”

Mak 14:14

Wɛn una rich de, una tɛl di man we gɛt di os se, ‘Wi Ticha se, usay di rum we trenja de slip de we mi ɛn mi lanin bɔy dɛn go it di Pasova it?’