Mak 13:36 - Krio Fɔs Oli Baybul

³⁶ Una fɔ waydawek, mek i nɔ kam tɛm we una nɔ mekɔp ɛn mit una de slip.

Mak 13:36 Referans Kwoze

Mak 14:40

I go bak igen go mit Pita, Jems ɛn Jɔn de slip, dɛn nɔ bin ebul opin dɛn yay sɛf, bikɔs di slip bin de mɔna dɛn. Dɛn nɔ bin no wetin fɔ tɔk sɛf.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Matyu 25:5

Di ɔkɔ bin let, so di yɔŋ gyal dɛn slip go.

Mak 14:37

Wɛn Jizɔs go bak to di tri lanin bɔy dɛn, i mit dɛn de slip. I aks Pita se, “Saymɔn, yu de slip? Yu nɔ ebul wek ɛn pre wit mi wan awa sɛf?

Ayzaya 56:10

In wachman dɛn blɛn, dɛn ɔl nɔ sabi natin; dɛn ɔl na mumu lɛk dɔg, dɛn nɔ ebul bak; dɛn jɛs de lidɔm, drim, ɛn dɛn lɛk fɔ slip.

Lɛta Fɔ Ɛfisɔs 5:14

Na dat mek dɛn rayt se, “Yu we de slip, yu wek, ɛn rayz frɔm di grev, ɛn Krays go gi yu layt.”

Lyuk 22:45

Wɛn i dɔn pre dɔn, i grap na di ples we i bin de pre, i go mit in lanin bɔy dɛn, bɔt i si dɛn de slip bikɔs dɛn at bin ebi bad.

Sɔlɔmɔn In Siŋ Dɛm 5:2

A slip bɔt mi at wek. Na wetin! Mi bilɔvɛd de nak. “Opin fɔ mi, mi sista, mi lɔvin, mi dɔv, mi yon we nɔ gɛt bɔt; mi ed sok wit dyu ɛn mi ia ɔl sok wit dyu.

Sɔlɔmɔn In Siŋ Dɛm 3:1

Na mi bed na nɛt, A luk fɔ am am, di wan we mi sol lɛk; A sach fɔ am, bɔt a nɔ fɛn am; A kɔl am, bɔt i nɔ ansa.