Mak 13:32 - Krio Fɔs Oli Baybul

³² “Nɔbɔdi nɔ no di de ɔ di awa we dɛn tin ya go bi; Gɔd in enjɛl dɛnsɛf ɛn Gɔd in Pikin insɛf nɔ no di de ɔ di awa; na di Papa in wangren no di tɛm.

Mak 13:32 Referans Kwoze

Apɔsul Dɛn Wok 1:7

Jizɔs ansa dɛn se, “Na mi Papa nɔmɔ gɛt rayt fɔ tɔk ustɛm ɔl dɛn tin de go bi, nɔto una.

Matyu 25:13

Afta dat, Jizɔs tɔk to di pipul dɛn, i se, “Una fɔ waydawek, bikɔs una nɔ no di de ɔ di awa we Mɔtalman Pikin go kam.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Matyu 25:6

“Sɔmbɔdi ala midul nɛt se, ‘Luk, di ɔkɔ de kam! Una kam go mit am!’

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Matyu 25:19

“Wɛn i dɔn te, nain di masta kam bak, i aks di bɔy dɛn fɔ tɛl am wetin dɛn du wit di kɔpɔ we i gi dɛn.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Mak 13:31

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.