Biblia Todo Logo
Bib sou entènèt

- Piblisite -




Mak 13:26 - Krio Fɔs Oli Baybul

26 Da tɛm de, ɔlman na wɔl go si Mɔtalman Pikin de kɔmɔt na klawd kam dɔŋ wit pawa ɛn brayt brayt layt go de shayn rawnd am.

Gade chapit la Kopi




Mak 13:26
15 Referans Kwoze  

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.


Jizɔs se, “Yɛs, mi na di Mɛsaya. Una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”


Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.


Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.


“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.


If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”


Pipul go yɛri lawd vɔys de tɛl dɛn wetin dɛn fɔ du, dɛn go yɛri di edman fɔ ɔl di enjɛl dɛn in vɔys, Gɔd in trɔmpɛt go blo, ɛn di Masta insɛf go kɔmɔt na ɛvin kam dɔŋ. Na dɛn pipul we bin biliv pan Krays sote dɛn day fɔs go rayz frɔm dɛn grev;


Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”


Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.


A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”


Jizɔs tɛl dɛn se, “A de tɛl una se sɔm pan una we de ya naw, nɔ go day sote dɛn dɔn si Gɔd kam rul na dis wɔl wit pawa.”


Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.


Wɛn wi tɛl una se wi Masta Jizɔs Krays go kam bak na dis wɔl wit pawa, nɔto kɔni sɛns wi tek pul stori we nɔto tru, bɔt wisɛf si am wɛn i bin de sho in pawa.


Swiv nou:

Piblisite


Piblisite