Mi padi dɛn we a lɛk, we una dɔn no dɛn tin ya bifo dɛn bi, una fɔ tek tɛm mek dɛn pipul ya we nɔ de kip Gɔd in lɔ nɔ drɔ una fɔ fala dɛn ɛn mek una yon at nɔ stɛdi.
Jizɔs se, “Una tek tɛm mek nɔbɔdi nɔ mek una ful bikɔs plɛnti pipul go tek mi nem kam, dɛn go se dɛn na di Mɛsaya ɔ di tɛm we i go kam bak dɔn de klos. Una nɔ fɔ fala dɛn.
“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.
“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.
Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de, dɛn kin mek dɛn pipul ful we Gɔd dɔn pik fɔ sev, if dɛn ebul du dat.
