Mak 13:19 - Krio Fɔs Oli Baybul

¹⁹ Da tɛm de pipul go sɔfa pas aw dɛn dɔn sɔfa frɔm di tɛm we Gɔd mek di wɔl sote naw; ɛn afta dat, tin lɛkɛ dat nɔ go bi igen.

Mak 13:19 Referans Kwoze

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Daniɛl 9:26

Wɛn di siksti tu wik go dɔn dɔn, dɛn go kil di pɔsin we dɛn dɔn anɔynt ɛn i go tɔn po man. Ɛn di prins we go gɛt fɔ kam, in pipul dɛm go nyakanyaka di siti ɛn di ples we dɛn de pre. Ɔltin go dɔn wantɛm wantɛm. Bay di tɛm we ɔltin go dɔn, wa go fɔdɔm. I go bi lɔ se dɛn fɔ nyakanyaka di siti.

Mak 10:6

Bɔt frɔm we Gɔd mek di wɔl, nain ‘I mek tu kayn pipul, man ɛn uman;’ lɛkɛ aw dɛn rayt nain Buk.

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Ditarɔnɔmi 28:59

PAPA GƆD go mek bad bad siknɛs dɛn we nɔ de mɛn kech dɛn ɛn dɛn pikin dɛn we nɔ bɔn yet.

Ditarɔnɔmi 4:32

Mozis tɛl dɛn se mek dɛn aks ɛnibɔdi if frɔm we PAPA GƆD mek di wɔl, if ɛnibɔdi dɔn ɛva yɛri ɔ si ɛnitin lɛkɛ dat wande,

Lamɛnteshɔn 4:6

Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Mak 13:18

Una pre mek dɛn tin ya nɔ bi ren sizin!

Mak 13:20

Bɔt di Masta dɔn mek da tɛm de shɔt, if nɔ so, nɔbɔdi nɔ bin go lɛf na di wɔl. Bɔt fɔseka dɛn pipul we i dɔn pik, di Masta dɔn mek da tɛm de shɔt.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.