Mak 13:14 - Krio Fɔs Oli Baybul

¹⁴ “Una go si di bad bad tin tinap na di ples we i nɔ fɔ de.” (Una we de rid: una ɔndastand wetin dis min.) “Da tɛm de di pipul dɛn na Judia fɔ rɔnawe go na dɛn il,

Mak 13:14 Referans Kwoze

Daniɛl 12:11

Frɔm di tɛm we dɛn go pul di bɔn sakrifays we nɔ de tap, dat na di bad bad tin we dɛn du, go bi wan tawzin, tu ɔndrɛd ɛn naynti de.

Daniɛl 9:27

I go mek traŋa Kɔvinant wit bɔku pipul fɔ wan wik; ɛn fɔ af da tɛm de, i go mek dɛn tap fɔ mek sakrifays ɛn ɔfrin. Pɔsin go kɔmɔt na di say we dɛn de du wetin PAPA GƆD et, te di tɛm we di lɔ go kech di pɔsin we de pwɛl ɔlsay.”

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Rɛvɛleshɔn 13:18

So mɔtalman fɔ gɛt sɛns. Ɛnibɔdi we gɛt sɛns go ebul no wetin di wayl bif in nɔmba min, bikɔs da nɔmba de tinap fɔ mɔtalman in nɔmba. Di nɔmba na siks ɔndrɛd ɛn siksti siks.

Rɛvɛleshɔn 1:3

Blɛsin de fɔ ɛnibɔdi we go rid di wɔd dɛn we de na dis buk, we Gɔd insɛf tɔk, ɛn we gɛt fɔ kam bi. Semwe so, blɛsin de fɔ ɔlman we yɛri dɛn wɔd ya ɛn fala wetin dɛn se, bikɔs di tɛm we dɛn tin ya fɔ bi, nɔ fa igen.

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Izikɛl 44:9

Fɔseka dat na dis PAPA GƆD se: nɔn fɔrena, we in at ɛn flɛsh nɔ sakɔmsayz pan ɔl di fɔrena dɛn we de na Izrɛl nɔ fɔ go usay dɛn de pre to mi.

Lamɛnteshɔn 1:10

Di ɛnimi dɔn tif ɔl in dia dia tin dɛn; fɔ tru, i dɔn si ɔda neshɔn dɛn go insay di tɛmpul, pipul dɛn we yu PAPA GƆD dɔn se nɔ fɔ go insay usay yu pipul dɛn de wɔship yu.

Matyu 13:51

Jizɔs aks dɛn se, “Una ɔndastand di parebul dɛn we a bin pul fɔ una?” Dɛn ansa, “Yɛs!”