Mak 12:40 - Krio Fɔs Oli Baybul

⁴⁰ Dɛn lɛk fɔ kapu dɛn uman dɛn prɔpati we dɛn man dɔn day, ɛn dɛn kin tinap de pre lɔŋ lɔŋ lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul!”

Mak 12:40 Referans Kwoze

Lyuk 20:47

Na dɛn pipul ya kin tek dɛn uman, we dɛn man dɔn day, dɛn prɔpati, ɛn dɛn kin tinap de pre lɔŋ lɔŋ lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul.”

Matyu 23:33

Una na snek! Una nɔ fɔ tink se una go ebul du ɛnitin we go mek Gɔd nɔ kɔndɛm una fɔ go ɛl.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Matyu 6:7

“Wɛn una de pre, una nɔ fɔ de tɔk plɛnti plɛnti wɔd dɛn we nɔ min natin, lɛkɛ aw dɛn pipul we nɔ biliv pan Gɔd de du, dɛn tink se Gɔd go yɛri dɛn bikɔs dɛn pre lɔŋ pre.

Sɛkɛn Lɛta To Timoti 3:6

Sɔm pan dɛn de go na pipul os, go tɔn dɛn uman dɛn at we nɔ no wetin dɛn de pan bikɔs dɛn sin de mɔna dɛn ɛn dɛn de du ɛnitin we dɛn at gi dɛn fɔ du;

Izikɛl 22:25

Di bigman na di kɔntri, tan lɛk we layɔn de ala we i de chɛr chɛr wetin i kech fɔ it; dɛn pwɛl mɔtalman dɛn layf; dɛn dɔn tek dɛn jɛntri ɛn dia dia tin dɛm; dɛn dɔn mek bɔku uman tɔn, dɛn we dɛn man dɛn dɔn day, insay de.

Mayka 2:2

Dɛn kin kapu pipul dɛn fil ɛn os dɛn ɛn pul dɛn kɔmɔt na dɛn an. Dɛn jɛs de fɔ buli pipul dɛn ɛn pul dɛn os ɛn ɔda prɔpati kɔmɔt na dɛn an.

Matyu 23:14

I go bad fɔ una dɛn Faresi ɛn dɛn Ju Lɔ ticha; una na ipokrit! Una de tek dɛn uman we dɛn man dɔn day, dɛn prɔpati; dɔn una de pre lɔŋ pre fɔ mek pipul biliv se una na gud pipul; na dat mek Gɔd go pɔnish una pas aw i bin fɔ pɔnish una.]

Mak 12:39

Dɛn na pipul we lɛk fɔ sidɔm na dɛn bɛnch we de bifo na di Ju mitin os, ɛn wɛn pipul kɔl dɛn na pati, dɛn kin lɛk fɔ go sidɔm na di ples we dɛn bigman de sidɔm.

2 Kɔrint 11:20

Una de bia wit ɛni pɔsin we de mek lɛkɛ se in na una bɔs, we de tek advantej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf.